Nokia C5

Nokia paraqiti smartphone-in me emër C5. Bëhet fjalë për celularin me dukje klasike i cili për futjen e të dhënave në vend të ekranit përdor tastierën numerike.

Dimensionet e celularit janë 112 x 46 x 12.3 milimetra, ekrani me diagonale prej 2.2 inç ofron rezolucionin prej 240 x 320 piksel, aty është edhe kamera me 3.2-megapiksel, e celulari mund të kyçet në rrjetat GSM, EDGE dhe HSDPA. Janë përfshirë 50 MB të memories interne, por me celularë dërgohet edhe microSD kartela e memories me kapacitet prej 2 GB.

Sistemi operativ është Symbian OS v9.3, e kohëzgjatja e baterisë është deklaruar në 12 orë bisedë, respektivisht në 26 dit në gjendje të gatishmërisë.

Çmimi i paraparë shitës për këtë celularë në tregun evropian është 135 euro, e në shitje do të duhej të gjendet gjatë tremujorit të dytë.