Në CeBIT-in e mbajtur vitin e kaluar Asus pati paraqitur Eee Keyboard – kompjuterë ky i vendosur brenda shtëpizës së tastierës. Pas disa shtyrjeve radhazi, kompania CeBit-in e këtij viti e shfrytëzoi për – edhe një shtyrje tjetër.
Në të vërtetë, sipas fjalëve të presidentit të Asus, Eee Keyboard në shitje do të mund të paraqitet gjatë prillit.
Nga kompania porosisin se ndjejnë keqardhje për shtyrjen e fundit, e cila megjithatë ishte e nevojshme për të përmirësuar “përvojën e përdorimit të produktit”. Janë paralajmëruar dy versione të kompjuterit në varësi nga mënyra e kyçje në monitor – me tela dhe pa tela.
Eee Keyboard vjen me ekran 5-inçësh të ndjeshëm në prekje me rezolucion 800 x 480 piksel, procesorin Atom me frekuencë 1.6 GHz, një gigabajt të memories RAM, grafikë të integruar, dhe SSD me zgjidhje të kapacitetit në mes 16 dhe 32 GB. Çmimet e pritura për tregun amerikan janë prej 500 deri 600 dollarë.
No comments:
Post a Comment