Teknologjia KS

Android e vetmja konkurrencë për iPad

2010-06-07T11:40:00.002+02:00

Pasi që Apple solli në jetë tregun e tabletëve me paraqitjen e iPad-it, analistët vlerësojnë se e vetmja konkurrencë e denjë për të do të jenë pajisjet e bazuara në Android.

Sipas analizave të hulumtuesve të kompanisë ABI Research, edhe pse Windows-ët mund të punojnë në kompjuterët tablet, ata nuk janë zgjidhja më e mirë për pajisjet portative sikurse që janë tabletët.

Në të vërtetë, për shkak të kërkesave relativisht të larta për fuqi përpunuese dhe shpenzim të energjisë, Android është zgjidhje më e mirë.

Në ABI vlerësojnë se për të parë të ardhmen e tabletëve shumë më thjeshtë është që të shikohet gjendja aktuale në tregun e telefonave “të mençur” mobil.

Rritje rekorde në tregun e kompjuterëve

2010-06-07T10:38:00.002+02:00

Sipas hulumtimit të iSuppli, gjatë tremujorit të parë të këtij viti janë shitur rreth 22.7% më shumë kompjuter se në periudhën e njëjtë gjatë vitit të kaluar. Kjo është rritja më e madhe në nivel vjetorë të cilin e ka shënuar kjo kompani nga fillimi i matjeve.

Krejtësisht gjatë tremujorit janë shitur 81.5 milion kompjuterë, e rritjen më të madhe e kanë shënuar prodhuesit aziatik.

Acer kështu iu është afruar HP-së me dallim prej krejtësisht 6.3% të posedimit të tregut, derisa Asus ishte prodhuesi me rritjen më të madhe të shitjes e cila ishte madje 132%.

Rënia e vazhdueshme e shitjes së kompjuterëve të tavolinës është ndaluar shkurtimisht duke pasur parasysh se desktopët janë shitur për 1% më mirë se vitin e kaluar. Por, në krahasim me rritjen prej 26.5% në mesin e portativëve rritja e shitjes së desktopëve është e parëndësishme.

Yahoo me rrjet social

2010-06-07T09:29:00.004+02:00

Kompania Yahoo për përdoruesit e saj ka bërë që të freskojnë statusin e tyre dhe të komunikojnë përmes emailit.

Në mesin e shërbimeve si Yahoo Mail, Messenger dhe Profiles do të jetë edhe shërbimi Yahoo Updates.

Integrimi i Update në mesin e aplikacioneve të Yahoo është projekt i cili është iniciuar që nga viti i kaluar, ndërsa kompania ka marrë reagime pozitive nga përdoruesit. Në kompaninë Yahoo kanë thënë se përdoruesit e tyre çdo herë e më shumë po e përdorin opsionin Update, dhe se ky fakt i ka inkurajuar ata që të “zhyten në ujërat” e rrjeteve sociale.

Pritet që brenda disa ditëve, Yahoo të lëshojë integrimin e plotë të Yahoo Update dhe Yahoo Mail, i cili do tu mundësojë përdoruesve që të freskojnë statuset e tyre, dhe të shohin se çka bëjnë miqtë dhe të afërmit e tyre, në kohë reale.

USB memoria si SSD

2010-05-04T18:13:00.002+02:00

USB memoria nga Super Talent që quhet SuperCrypt dhe e cila kyçet në USB 3.0 jap shpejtësinë e shkrimit dhe të leximit të shënimeve me shpejtësi të përafërta me ato të disqeve USB, por edhe çmimin më të madh se ai i shumicës së SSD-ve.

Momentalisht nuk ka aq shumë prodhues të pllakave amë dhe të kompjuterëve në përgjithësi të cilët ofrojnë USB 3.0 si pjesë e zakonshme e pajisjeve shtesë.

Por edhe atë që e ofrojnë e bëjnë këtë kryesisht duke dëshiruar të përmbushin nevojat e pajisjeve periferike të cilat mund të përdorin shpejtësinë e SuperSpeed USB-së.

Një nga pajisjet e këtilla është USB memoria SuperCrypt e Super Talent, e cila përveç që bën kriptimin dhe në atë mënyrë bën mbrojtjen e qasjes së paautorizuar, e bën këtë gjë me një shpejtësi mjaftë të madhe, përafërsisht njëjtë me atë të SSD-ve më të lirë.

Sipas testeve në faqet e PC Perspective, shpejtësia mesatare e leximit të shënimeve kështu është 185 MB/s, e ajo e shkrimit 50 MB/s. Edhe pse kjo ende është shumë më pak se 500 MB/s sa jap USB 3.0, ende është dukshëm më shpejtë nga shpejtësia e cilësdo memorie USB 2.0.
Fatkeqësisht, këto performansa kanë edhe çmimin e lartë, kështu që një gigabit në këtë USB është më i shtrenjtë nga gigabajti në një SSD. Çmimit shkojnë nga 120 dollarë për versionin 16-gigabajtësh deri në 780 dollarë për modelin 256-gigabajtësh.

COSMOS vlerëson sa të dëmshëm janë celularët

2010-04-24T09:50:00.002+02:00

Me gjasë keni lexuar shumë studime kundërthënëse mbi atë se sa të dëmshëm janë rrezatimet nga telefonat celularë që përdorim për çdo dit ndërsa asnjëri nuk ardhur deri te përgjigja në pyetjen konkrete – sa janë të dëmshëm celularët.

Për vendimin përfundimtar duhet pasur pak durim për shkak se ka nisur me punë studimi kohortiv epidemiologjik e cila do të ketë detyrë të përcjell së paku 250,000 evropian gjatë 30 viteve dhe i cili do të regjistroj ndikimin e celularëve në shëndetin e tyre.

Studimi që ka shkurtesën COSMOS (Cohort Study on Mobile Communications) rezultatet preliminare, mu sikur studimi i famshëm epidemiologjik në Britatinë e Madhe mbi atë se sa dëm mund të shkaktoj duhani i cili ka filluar në vitet e 50-ta, do të jap rezultatet edhe para përfundimit të studimit, çdo 10 vite.

Problemi me studimet e mëhershme ishte kryesisht se ato provonin të bëjnë rekonstruimin e përdorimit të celularëve në periudhën paraprake prej 5 apo 10 viteve, dhe atë në bazë të deklaratave të njerëzve të sëmurë nga kanceri, kështu që u bënë mekanizëm jo i besueshëm për vërtetimin e saktësisë së shënimeve.

Trojan si shtojcë e shfletuesit Chrome

2010-04-22T15:28:00.003+02:00

Hakerët kanë krijuar një virus trojan i cili duket si shtojcë për shfletuesin e internetit të kompanisë Google.

Porosia spam tenton të mashtrojë përdoruesit për të instaluar gjoja shtojcën e cila u mundëson mënyrë më të mirë për organizimin e dokumenteve të tyre të cilat i kanë pranuar me anë të postës elektronike.

Supozohet se faqja i dërgon përdoruesit deri tek një faqe të rrejshme të Google Chrome me shtojca e cila ofron dosjen dashakeqe.

Përdoruesit të cilët janë më të njoftuar me punën e shfletuesit kanë vërejtur se shtojca në fjalë është .exe e jo .crx që nënkupton se është shtojcë përkatëse për Google Chrome. Trojani në fjalë bllokon qasjen në faqet e Google e Yahoo me ç’rast kompjuterët ridrejtohen në faqe të rrejshme.

Finalizohet Bluetooth 4.0

2010-04-21T23:31:00.004+02:00

Specifikimet kryesorë për Bluetooth 4.0 i cili është mjaftë kursimtar më në fund u finalizuar ditë më parë, publikoi Bluetooth Special Interest Group.

Forma përfundimtare është kombinimi i të gjitha standardeve të mëparshme me fokus të veçantë mbi shpenzimin e energjisë.

Kështu për shembull, është menduar që pajisjet të cilat dërgojnë dhe marrin sasi më të vogla të shënimeve me shpejtësi të vogël dhe në distanca të vogla ta bëjnë atë në mënyrën ultrakursimtare ashtu që një mbushje e baterisë do të mjaftonte edhe për punë disa mujore.

Derisa pajisjet të cilat do të shkëmbejnë sasi më të mëdha të shënimeve, me shpejtësi më të lartë dhe në distanca më të mëdha këtë ende do të mund ta bënin me shpenzim pakëz më të lartë të energjisë.

Hardueri më i fuqishëm mund të përdorë mënyrën 3-megabitëshe të komunikimit e cila prej tani do të quhet Bluetooth Classic apo e cila është në përputhshmëri me së voni të paraqiturin WiFi 802.11g. Bluetooth gjithashtu nuk kufizon distancën maksimale, por kjo është në vartësi nga hardueri i përdorur.
Pajisjet e para që do të përdorin Bluetooth 4.0 do të mund të paraqiten kah fundi i këtij viti.

Gjendja e Internetit

2010-04-21T12:25:00.004+02:00

Kompania Akamai publikoi rezultatet e hulumtimit për tremujorin e fundit të vitit të kaluar në lidhje me kualitetin e lidhjeve drejt Internetit në mbarë botën.

Në raportin e quajtur “State of the Internet Report” tri pozitat udhëheqëse për shpejtësinë mesatare të lidhjes në Internet e mbajnë Koreja e Jugut, Hong Kongu dhe Japonia, por mjaftë interesant është fakti se në vendin e katërt u gjet Rumania, ndërsa Latvia në të pestin.

Edhe pse në krahasim me një vit më herët shpejtësia mesatare drejt Internetit në Korenë Jugore kishte shënuar rënie për 29% ajo ende ka mesataren prej 11.7 Mbps dhe është bindshëm në vendin e parë.

Krejtësisht në nivel global shpejtësia mesatare e qasjes në Internet ishte 1.7 Mbps, që është rënie për 1% në krahasim me një tremujor më herët.

State of the Internet Report

Zeus edhe në PDF

2010-04-20T12:15:00.003+02:00

Vetëm disa ditë pas publikimit zyrtar të mundësisë për keqpërdorim të lëshimit të ri të sigurisë në PDF të Adobe, kanë nisur keqpërdorimet me qëllim të shpërndarjes së trojan-it të njohur me emrin Zeus.

Ekspertët e sigurisë pohojnë se kanë zbuluar postën elektronike e cila përmban të bashkangjitur dokumente të tipit PDF me të cilat synohet keqpërdorimi i lëshimit për të ekzekutuar fajllin ekzekutiv i cili instalon trojan-in në sistemin e shfrytëzuesit.

Deri në publikimin e arnës përkatëse Adobe ofroi zgjidhjen e përkohshme në formën e pamundësimit të mundësisë së ekzekutimit të funksionalitetit “/Launch”.

PDF “/Launch”

Cisco blen Tandberg

2010-04-20T12:00:00.002+02:00

Cisco përfundimisht arriti të blej kompaninë norvegjeze Tandberg, e cila është e specializuar për video konferenca.

Në të vërtetë, Cisco në tetor ofroi 3 miliard dollarë për blerjen e Tandberg, por kjo ofertë ishte refuzuar nga ana a aksionarëve.

Më vonë Cisco riti ofertën dhe gjatë dhjetorit bleu pothuajse 90% të aksioneve të kompanisë, por ende i mungonte 1% për të arritur deri te 90% që është kuota që sipas ligjeve norvegjeze duhet poseduar nëse dëshirohet të bëhet blerja e tërësishme e kompanisë.

Pasi që Cisco ishte në kërkim për aksione shtesë të Tandberg, e tërë kjo punë filloi të hetohet nga trupat rregullator evropian dhe amerikan për të verifikuar nëse kjo blerje përmbush të gjitha kushtet e rregullatorëve.

Por të hënën Cisco publikoi se është pronar i 91.1% të aksioneve të Tandberg për të cilat pagoi 3.3 miliard dollarë. Kompania tani synon të nis procesin për blerjen e aksioneve të mbetura të kompanisë.
CEO i deritashëm i Tandberg, Frederik Halvorsen, do ti bashkëngjitet Ciscos si zëvendëspresident senior i kompanisë dhe si njeriu kryesorë i departamentit të ri të Ciscos të quajtur TelePresence Technology Group.

Tandberg

Microsoft Fix it

2010-04-20T01:05:00.003+02:00

Microsoft paraqiti veglën Fix it që i dedikohet zgjidhjes së problemeve që lajmërohen gjatë përdorimit të Windowsit.

Bëhet fjalë për kombinimin e softuerit dhe shërbimit online, ndërsa i dedikohet shfrytëzuesve me më pak përvojë të pothuajse të gjitha versioneve të Windowsit.

Pas instalimit, softueri në mënyrë automatike do të filloj kërkimin për problemet kompjuterike.

Pasi që procesi i skanimit të përfundoj, shfrytëzuesi do të ketë në dispozicion zgjidhjen e problemeve që dëshiron të korrigjoj, si dhe cilat dëshiron ti lajmëroj. Përveç kësaj, sistemi i dedikohet edhe preventivës së problemeve, në mënyrën që çështjet e ndryshme në mënyrë automatike zgjidhen përmes mbindërtimit të sistemit.

Softueri është në dispozicion për shkarkim pa pagesë nga faqen e Microsoftit, ndërsa produkti është ende në fazën beta të zhvillimit.

Microsoft Fix it

Rrjetat e pasigurta wireless të Ciscos

2010-04-19T17:36:00.004+02:00

Në konferencën Black Hat Europe përfaqësuesit e kompanisë gjermane ERNW kanë demonstruar se si relativisht lehtë mund të thyhet mbrojtja e dy gjeneratave të pajisjeve WiFi të Ciscos.

Përmes prezantimit të quajtur “Hacking Cisco Enterprise WLANs” është treguar se në cilën mënyrë mund të bëhet sulmi në gjeneratën e parë të pajisjeve pa tela të Ciscos të bazuara në teknologjinë Structured Wireless-Aware Networks (SWAN).

Për sulme është përdorur një e metë e Wireless LAN Context Control Protocol (WLCCP) të Ciscos dhe e protokollit Leap i cili përdoret për kontrollimin e autenticitetit të shfrytëzuesve, duke mundësuar futjen e pikave të qasjes pa tel, largimin e komponentëve fizike nga sistemi apo sulme përmes ndërfaqeve për menaxhim.

Gjithashtu është demonstruar edhe mundësia e sulmit mbi gjeneratën e tretë të sistemeve pa tela të Ciscos të quajtura Cisco Unified Wireless Network (CUWN).

Në prezantim është theksuar se si CUWN përdor kriptim më të sigurt nga SWAN, por dhe se ende mund të rrezikohet siguria e sistemeve me përdorimin e ndërfaqeve për menaxhim, veçanërisht nëse ato jenë të bazuar në SNMP-në (Simple Network Management Protocol).

Në fund të ekspozimit është theksuar se lëshime të ngjashme ekzistojnë edhe tek pajisjet e prodhuesve të tjerë, respektivisht se Cisco nuk është i vetmi prodhuesi i pajisjes pa tela i cili ka probleme me sigurinë e sistemeve të veta.
Më shumë detaje për sulmeve mbi pajisjet e Ciscos mund të gjeni në dokumentin e bashkangjitur të cilin e kanë publikuar ekspertët e ERNW-së (fajlli PDF) .

Black Hat Europe

Gmail më i avancuar për Firefox dhe Chrome

2010-04-19T15:08:00.003+02:00

Ekipi i Google që është përgjegjës për zhvillimin e Gmailit, e bëri këtë shërbim edhe më të mirë.

Risia më e re në shërbimin e popullarizuar për email është shtimi i fajllit të bashkangjitur thjeshtë duke e tërhequr atë në vendin e caktuar brenda ndërfaqes së shfletuesit.

Mundësia e re është në dispozicion për Firefox 3.6, dhe natyrisht për Chrome. Sipas pohimeve të kompanisë, drag ‘n’ drop së shpejti do të mundësohet edhe për përdoruesit e shfletuesve të tjerë.

Gjithashtu, risi është mundësia e integrimit me Google Calendar.

Prej tani drejtpërsëdrejti nga Gmail mudn të krijohen shënime në kalendar, e automatikisht shfaqet edhe dispozicioni i pranuesit (natyrisht, nën kushtin që kalendari i tij të jetë i ndarë).

Evenimenti misterioz i Microsoft

2010-04-07T15:20:00.004+02:00

Microsoft gazetarëve të shumë iu ka dërguar ftesat për evenimentin i cili është paraparë të mbahet më 12 prill në San Francisco, pa kurrfarë informatave shtesë se për çfarë bëhet fjalë.

Por që tani supozohet se kompania aty do të paraqes telefonat e vet celularë të zhvilluar në kuadër të projektit Pink.

Sipas burimeve të afërta me kompaninë, me gjasë do të paraqiten dy celularë të quajtur Pure dhe Turtle.

Bëhet fjalë për pajisjet me dizajn rrëshqitës të cilat kanë tastierë dhe ekranin e ndjeshëm në prekje, ndërsa theksi është i vendosur mbi rrjetëzimin shoqërorë dhe shërbimin zanor Zune.

Pajisjet janë të bazuara në bërthamën e sistemit operativ Windows CE, por me gjasë nuk do të kenë mundësinë e ekzekutimit të aplikacioneve për versionin aktual të sistemit operativ Windows Mobile, e as për të ardhshmin Windows Phone 7.
Nëse këto informata janë të sakta, Pure dhe Turtle në SHBA do të duhej të fillojnë shitjen pas përafërisht një muaji pas paraqitjes përmes rrjetës së operatorit mobil Verizon Wireless.

Spamerëve po ju shkon mbarë

2010-04-07T00:51:00.003+02:00

Sipas raportit të cilin e publikoi Ipsos Public Affairs Messaging Anti-Abuse Working Group (MAAWG) gati gjysma e të anketuarve me vetëdije të plotë hap mesazhet e padëshirueshme të postës elektronike ( spam) dhe kështu ekspozon veten ndaj rreziqeve të sigurisë.

Rezultatet e hulumtimit (PDF fajlli) tregojnë se gati gjysma e shfrytëzuesve hapën mesazhin e padëshirueshëm, klikuan lidhjen apo hapën fajllin e bashkangjitur, madje dhe u përgjigjen apo përcollën mesazhin.

Prej atyre që me qëllim hapen mesazhin e padëshirueshëm , pjesa më e madhe e bëri atë për të ndërprerë parapagimin, për të iu ankuar dërguesit, apo thjeshtë për të parë se çfarë do të ndodhë. Por në mesin e tyre ishin edhe 15% të atyre të cilët hapën mesazhin për të marrë më shumë informata për shërbimet që janë duke u ofruar.

Natyrisht, atë të cilët ishin më shumë prirje për hapjen e mesazheve të këtilla kanë edhe më shumë shanse për tu infektuar me virus apo ndonjë formë tjetër të dëmtimit elektronik, por hulumtimi tregoi se gati gjysma e tyre besojnë se shanset janë të vogla apo nuk që nuk mund të ndodh fare që kompjuterët e tyre të infektohen.

MAAWG

Firefox në 40% në Evropë

2010-04-04T22:51:00.002+02:00

Mozilla publikoi të dhënat e veta për posedimin e tregut nga shfletuesi i vet i Internetit Firefox.

Sipas analizave të tyre, Firefox momentalisht mban afër 30% të tregut botëror.

Në Evropë situata për Firefox-in është ende më e mirë për shkak se në atë treg mban madje 40% të tij me 152.7 milion shfrytëzues.

Rritja më të madhe gjatë tremujorit të fundit është shënuar në Rusi, e nga gjërat interesante në raport theksohet se njerëzit që më së hershmi dalin në punë janë ata në Havaje dhe Wyoming, ndërsa më së voni dalin në punë njerëzit në New York. Krejtësisht në botë Firefoxin janë duke e përdorur rreth 350 milion përdorues.

Kjo është hera e parë që Mozilla publikoi rezultatet e veta për tremujorin, e këtë do të vazhdoj të bëjë edhe në të ardhmen. Nga kompania porosisin se me këtë dëshiruan të krijojnë një raport të standardizuar i cili do të tregoj gjendjen në treg shikuar nga këndi i Mozillas.

Asus ET2010 – Ion 2 në tavolinë

2010-04-03T12:08:00.003+02:00

Asus në linjën e vet të nettop-ëve 20-inçësh AT2010 paralajmëroi krejtësisht pesë modele të cilët në mes vete do të dallohen për nga procesori i cili mund të jetë Athlon II i AMD apo Atom D510 i Intel.

Për nga sistemi grafik i cili nis me çipsetin GMA të Intel, Radeon HD 5470 e deri te Ion 2 i Nvidia.

Hapësira në disk shkon prej 160 deri në 500 GB, e memoria prej 1 deri në 2 GB.
Të gjithë modelet kanë ekranin e integruar 20-inçësh me rezolucion 1600*900 pikë, e dy prej tyre do të jenë të ndjeshëm në prekje.

Çmimet dhe datën e paraqitjes Asus, për momentin, nuk ka specifikuar.

Windows 7 mbi 10%

2010-04-02T12:54:00.004+02:00

Windows 7 po vazhdon të fitoj shfrytëzues të ri me tempo të përshpejtuar, duke rritur posedimin e tregut në mbi 10%.

Në të vërtetë sipas statistikave të fundit të kompanisë NetMarketShare gjatë marsit është më shumë se 10% e të gjitha pajisjeve të cilat qaseshin në Internet ishin të bazuara në Windows 7.

Shifrën prej 10% Windows 7 për herë të parë e kaloi gjatë vikendit në shkurt, por tani ky rezultat është arritur për tërë muajin. Në mars Windows 7 përdornin 10.2% e të gjitha pajisjeve që janë qasur në Internet, ndërsa në shkurt kjo shifër ishte 8.9%.

Por rritja e Windows 7 në pjesën më të madhe shkoi në dëm të versioneve të vjetra të Windows-it, e jo sistemeve operative konkurrente sikur që është Mac OS X i Apple. Kështu numri i shfrytëzuesve të XP ra nga 65.5% në 64.5%, derisa Vista ra nga 16.5 në 16%.
Krejtësisht sistemet operative nga Microsoft në mars mbanin 91.6% të tregut, kundrejt 92.1% të shkurtit. Njëkohësisht numri i shfrytëzuesve të Mac OS u rrit nga 5 në 5.3%, derisa Linux tejkaloi kuotën prej 1%.

Firefox 3.0 i fundit

2010-04-01T18:07:00.003+02:00

Pas pak më pak se dy vite nga paraqitja, Mozilla paraqiti versionin 3.0.19 i cili është i fundit nga familja e Firefox 3.0.

Paraqitja e Firefox 3.0 në qershor të vitit 2008 ishte shënuar si “download day” dhe paraqiste një hap të madh në drejtim të pranimit më të gjerë të shfletuesit të Internetit nga Mozilla.

Pas publikimit të Firefox 3.0 Mozilla vazhdimisht rriti posedimin e tregut të shfletuesve të Internetit.

N në ndërkohë janë publikuar versionet 3.5 dhe 3.6, kështu që në Mozilla vendosën ta ndërpresin këtë linjë.

Firefox 3.0.19 del së bashku me versionin 3.5.9, në të cilin janë korrigjuar pesë lëshime kritike të sigurisë. Në versionin 3.0.19 janë korrigjuar 13 lëshime të sigurisë dhe disa probleme që kishin të bëjnë me stabilitetin.
Por Mozilla do të dëshironte që shfrytëzuesit e të dyja versioneve të bëjnë mbindërtimin e shfletuese të tyre në versionin momentalisht aktual 3.6.2.

Flash Voyager Mini me 32 GB

2010-03-25T14:32:00.002+01:00

Corsair filloi me dërgesat e USB memories me kapacitetin më të lartë nga linja Flash Voyager Mini.

Kapaciteti maksimal në të cilin është në dispozicion memoria është 32 GB.

Voyager Mini i ri vjen në shtëpizë nga goma e cila ofron qëndrueshmi të rritur në goditje, ndërsa gjatë ndërtimit është përdorur teknologjia COB (chip-on-board) gjë që ndihmoi që dimensionet të jenë të vogla. USB konektori i memories mund të futet në brendinë e shtëpizës, kështu që ata që janë të hareshëm nuk duhet të frikohen nga humbja e kapakut.

Çmimi i propozuar i shitjes së memories në tregun evropian është 85 euro, e ajo shitet me garanci dhjetë vjeçare.

HTC Store për SHBA

2010-03-25T14:30:00.002+01:00

HTC publikoi se do të hap shërbimin Store – e cila do të jetë shitore online e pajisjeve. Në HTC Store do të mund të blihet pjesa më e madhe e pajisjeve nga oferta e prodhuesit, si dhe pajisjet përkatëse.

Përveç që vizitorët e faqeve do të mund të shohin të tërë ofertën, ata do të mund të zgjedhin edhe tarifat e operatorëve mobil të cilat do të përcjellin celularin.

Gjithashtu, gjatë blerjes së celularit blerësit do të kenë mundësinë e aktivizimit të tarifës së vet pranë ndonjërit nga operatorët në dispozicion. Në kompani besojnë se përfshirja e Internetit në mënyrat e distribucionit të produkteve është e rëndësishme për shkak të planit për zgjerimin e vetëdijes rreth brendit, dhe rritjes së bazës së shfrytëzuesve gjë të cilën synojnë të arrijnë në HTC.

Mirëpo, analistët nuk parashikojnë se shitorja online e HTC-së do të ketë rezultate ku me dit sa të mira, së paku jo në atë masë sikurse që ndodh me Apple. Ata besojnë se shumica e blerësve të smartphoneve të HTC-së ka për cak një tip të caktuar të pajisjes, ndërsa ndihmesë do të ishte nëse shfrytëzuesit do të mund të para-porosisnin modelet e rinj të cilët ende nuk janë në dispozicion në shtije të rregullt.

GoDaddy largohet nga Kina

2010-03-25T14:11:00.004+01:00

Njëri prej regjistruesve më të mëdhenj në botë i domeneve të internetit ka njoftuar se për shkak të hapave represiv të qeverisë kineze do të ndërpresë regjistrimin e mëtutjeshëm të domeneve kineze.

Sipas gazetës prestigjioze amerikane “The Washington Post”, përfaqësuesit e GoDaddy sot do të marrin pjesë në debatin e kongresit për lirinë e internetit në Kinë. GoDaddy do të njoftojë se kjo kompani do të ndërpresë regjistrimin e domeneve .cn në Kinë, dhe këtë do ta bëj për shkak të vendimeve të reja të marra rishtazi nga autoritetet kineze.

Në fakt, sipas rregullores së re të qeverisë kineze, GoDaddy dhe kompanitë tjera të cilat mundësojnë regjistrimin e domeneve në Kinë duhet që gjatë regjistrimit të përdoruesve të dorëzojnë informata të shtuara për domenin i cili regjistrohet, që nuk është një praktikë e zakonshme. Veç të dhënave të detajuara, nga personi i cili regjistron faqen e vet pritet edhe vendosja e fotografisë personale dhe informata tjera të këtij lloji.

Po ashtu, përfaqësuesit e GoDaddy theksojnë se prej fillimit të vitit janë duke shënuar rritje të dukshme të sulmeve të hakerëve në serverët e saj, të ngjashme me ato në Google dhe kompanitë tjera amerikane.

GoDaddy do të vazhdojë t’u ofrojë mbështetje përdoruesve ekzistues të domenit .cn, mirëpo nuk do të pranojë klientë të ri nga Kina.

Facebook më i besueshëm për lajme se Google

2010-03-24T14:59:00.003+01:00

Pasi që ka kaluar Google si faqen më të vizituar në Shtetet e Bashkuara të Amerikës në javën e dytë të këtij muaji, Facebook është bërë edhe burimi më i besuar për lajme nga Google News.

Hulumtimi i kompanisë Hitwise ka dëshmuar se madje 78 për qind e përdoruesve lexojnë lajme në Facebook, derisa 67 për qind e tyre kërkojnë lajme në Google News.

Javën e kaluar Facebook është bërë faqja më e vizituar në SHBA, dhe me këtë ia ka marrë primatin Google. Facebook aktualisht ka bërë për vete 7.07 për qind të qarkullimit të përgjithshëm në internet para Google e cila ka 7.03 për qind.

Ekzistojnë parashikime se Facebook do të rris të hyrat nga 500 milionë dollarë, sa kanë qenë vitin e kaluar, në mbi dy miliardë dollarë qysh nga viti i ardhshëm.

"Facebook qartazi gjendet menjëherë pas buxheteve të televizioneve. Çmimi i internetit matet për klikim. Facebook ka në plan të bëj të njëjtën gjë siç bëjnë televizionet me reklamimin, sepse është i lidhur me njerëz në nivel emocional", ka thënë Ciaran Norris, analist i medieve shoqërore.

Gigabyte – një milion për USB 3.0

2010-03-24T10:53:00.004+01:00

Gigabyte lavdëroi vetën se ka bërë dërgesa për më se një milion pllaka amë me USB 3.0. Të gjithat janë të bazuar në kontrolluesin e NEC i cili muajin e kaluar pati rreth tre milion dërgesa.

Sipas përllogaritjeve të analistëve, pikërisht Gigabyte është udhëheqësi për sa i përket pranimit të versionit të ri të USB-së.

Të dhënat e fundit vetëm konfirmuan përkushtimin e kompanisë ndaj teknologjive të reja, gjë që padyshim është reflektuar në rezultatet e mira të shitjes, thonë përfaqësuesit e Gigabyte.

Në ofertën e prodhuesit nga Tajvani pllakat amë të cilat kanë përkrahjen për USB 3.0 janë të bazuara në çipsetët X58, P55, H57, P45 dhe P43, respektivisht në ata të AMD-së 790FX, 790X, 770, 785G dhe 800.

Gigabyte

Mozilla Firefox 3.6.2

2010-03-24T10:45:00.002+01:00

Mozilla ka lëshuar përditësimin e shfletuesit të vet të internetit Firefox në të cilin është përmirësuar një lëshim kritik i sigurisë që ndërlidhet me teknologjinë e paraqitjes së fonteve.

Duke përdorë këtë lëshim, sulmuesi mund të shkaktojë rrëzimin e shfletuesit të internetit, mirëpo është edhe shumë më rrezik fakti që sulmuesi mund të ekzekutojë kodin burimor në kompjuter.

Kur merret parasysh që lëshimi ka të bëj me teknologjinë Web Open Font Format (WOFF) e cila është integruar vetëm në Firefox 3.6, versionet e mëhershme nuk janë të goditura nga ky lëshim. Në versionin Firefox 3.6.2 janë rregulluar edhe disa lëshime më pak të rrezikshme të sigurisë dhe probleme që kanë të bëjnë me stabilitetin e shfletuesit.

Shumica e përdoruesve do të duhej të merrnin përditësimin në mënyrë automatike.

Mozilla Firefox

Viruset në shpallje

2010-03-24T10:41:00.004+01:00

Sipas pohimeve të ekspertëve nga kompania çeke Avast, softuerët malinj gjithnjë e më shumë po shpërhapen përmes platformave për shpërndarjen e shpalljeve përmes kompanive si Yahoo dhe Fox.

Në të vërtetë, është zbuluar se në shpalljet që shfaqen në disa faqe mjaft me renome, sikurse The New Yourk Times, fshihet softuer malinj.

Për këtë janë fajtorë platformat për shpërndarjen e shpalljeve sikurse janë Yahoo Yield Manager dhe Fox Audience Network Fimserve.com. Në masë të madhe softueri malinj shpërndahet edhe përmes Google DoubleClick.

Për shpërndarjen e softuerit malinj përdoret lëshimi në JavaScript të cilin në Avast e kanë emëruar JS:Prontexi. Bëhet fjalë për një kali trojan në formë të skriptit i cili provon të shfrytëzoj lëshimet në Adobe Reader dhe Acrobat, Java, QuickTime dhe Flash, dhe i cili qet vërejtjet e rreme për viruset në kompjuter. Shfrytëzuesit nuk duhet të klikojnë asgjë që të infektohen, mjafton që shfletuesi të injektoj shpalljen me kodin malinj.

Softueri malinj filloi të shpërndahet në këtë mënyrë kah fundi i dhjetorit, dhe në Avast thonë se në kompjuterët e shfrytëzuesve kanë zbuluar më shumë se 2.6 milion instanca. Nga ky numër përafërsisht 530,000 kishin të bënin me Yield Manager, derisa në DoubleClick ishin të lidhur rreth 16,300 . në Avast theksojnë se me DoubleClick kanë të bëjnë vetëm një numër i vogël i infektimeve me trojanin Prontexi, e situata është dukshëm më e mirë pasi që Google ndërmori aksionet e caktuara për parandalimin e shpërndarjes së mëtutjeshme. Yahoo dhe Fox për momentin nuk kanë ndërmarrë masa për parandalimin e shpërndarjes së infektimi.

avast!

Arrin Snow Leopard 10.6.3

2010-03-23T00:50:00.004+01:00

Apple së shpejti planifikon të paraqes RC versionin e mbindërtimit të sistemit operativ Snow Leopard, gjë të cilën po e sinjalizojnë beta versionet gjithnjë e më të shpeshta për developerët.

Mbindërtimi me emër 10.6.3 sjell QuickTime X më të avancuar, performansat më të mira me softuerin Logic Pro 64-bitësh si dhe korrigjimin e disa bug-ëve.

Risia më e rëndësishme, veçanërisht për shfrytëzuesit në biznese, gjithsesi do të jetë përkrahja për shtypësit e ndryshëm driverët e të cilëve ende nuk janë krejtësisht të “adoptuar” për Snow Leopard.

Beta e dytë private e distribuuar (build 10D572) ka madhësinë prej 790 MB, ndërsa Apple po këshillon programuesit që në veçanti të testojnë Mail-in, shfletuesin e fotografive, certifikatat e sigurisë dhe QuickTime-in e përmendur si dhe stabilitetin e programeve për menaxhimin e kartelës grafike.

AppleInsider

Wikipedia ofron open source video

2010-03-23T00:46:00.002+01:00

Open Video Alliance qëndron prapa fushatës në kuadër të së cilës artikujt e Wikipedias do të pasurohen me video përmbajtje.

Wikipedia për një kohë të gjatë ka qenë e vetmja e cila e ka mbështetur Theora-n, formatin e hapur i cili është inkorporuar në HTML5 video tags, i cili është kundërshtar i video standardit të popullarizuar Flash që përdoret nga faqet siç është YouTube.

Open Video Alliance ka arritur bashkëpunim me Miro-n, prodhuesin e video enkoderit pa pagesë Theora si për sistemet operative Windows e Mac.

Në të kaluarën integrimi i video përmbajtjeve në faqet e Wikipedias ka qenë shumë e papërshtatshme, por ky proces tani është vetëm disa hapa të thjesht.

Gjithmonë me mjaft USB porte

2010-03-22T14:40:00.001+01:00

Një zgjidhje jashtëzakonisht e thjeshtë për mënjanimin e numrit të pamjaftueshëm të USB porteve në kompjuterë vjen në formën e USB kabllos kaluese për të cilin që tani mund të themi se lirisht mund ti kalohet USB konsorciumit për ta shpallur si pjesë të këtij standardi.

Pra, siç mund të shihet edhe nga fotografia, secili kabllo i USB-së është i kalueshëm dhe përveç se çon komunikimin deri te USB pajisja “e vet”.

Ajo ka edhe USB portin në të cilin mund të kyçet USB kabllo/pajisja tjetër dhe kështu në pafundësi.

Nëse frikoheni se nga një USB port një numër më i madh i pajisjeve mund të tërheq më shumë rrymë se që duhet atëherë e keni me të drejtë, por edhe për këtë ekziston zgjidhja – USB kabllo kaluese me furnizim.

Britanikët ‘zhvendosen’ në internet

2010-03-22T13:15:00.003+01:00

Në Britani të Madhe secili qytetar do të ketë numër identifikues dhe faqe interneti, e krejt kjo me qëllim të zvogëlimit të shpenzimeve.

Sipas gazetës britanike “The Telegraph”, brenda një viti secili qytetar i Britanisë së Madhe do të ketë faqe të personalizuar të internetit për qasje në shërbimet qeveritare. Plani është pjesë e strategjisë për zvogëlimin e shpenzimeve me vendosjen e të gjitha shërbimeve publike online.

Për më tepër, gjatë tri viteve të ardhshme planifikohet nisja e shërbimeve në stil të Facebookut ku qytetarët do të mund të kontaktojnë mjekët për këshilla, apo, për shembull, të bien në kontakt me profesorët e shkollës së fëmijëve të tyre. Iniciativën e ka mbështetur edhe “shpikësi” i internetit Tim Berners-Lee i cili vlerëson se me realizimin e projektit do të kursehet shumë kohë dhe para. Gjithashtu, besohet se në të ardhmen zyrat fizike nuk do t’u nevojiten britanikëve.

Natyrisht, një propozim i këtillë nuk mund të kalojë pa kritika, prandaj janë shfaqur ata të cilët thonë se një numër i madh e njerëzve në sektorin publik do të humbasin vendet e tyre të punës. Në fakt, sipas parashikimeve gjatë 10 viteve të ardhshme do të mbyllen shumica e ofiçarive të shtetit, derisa të gjitha shërbimet do të kryhen me anë të protokolleve online. Po ashtu, mbetet pikëpyetje se si do të menaxhojnë njerëzit e moshuar me këtë shërbim.

Manteli i padukshmërisë

2010-03-22T12:17:00.004+01:00

Shkencëtarët nga universiteti gjerman Karlsruhe Institute of Technology pohojnë se kanë bërë një hap të madh në zhvillimin e “mantelit të padukshmërisë”.

Bëhet fjalë për sistemin i cili përbëhet nga struktura kristalore me ajër në mes të shtresave e cila ka veti të shtrembërimit të dritës. Duke përdorur sistemin e këtillë ata kanë arritur të fshehin një detaj në ari, duke fshehur zbulimin e tij në pothuajse të gjitha frekuencat e dukshme infra të kuqe.

Gjithashtu theksohet se pajisja për fshehje punon në tri dimensione, për ndryshim nga zgjidhjet e deritashme të cilat mundësonin fshehjen vetëm në dy dimensione.

Edhe pse detaji në sipërfaqen nga ari ishte relativisht i vogël respektivisht me thellësi prej 0.001 milimetra dhe diametër prej 0.013 milimetra, kështu që për vështrimin e tij nevojitej mikroskopi, shkencëtarët pohojnë se teknologjia është krejtësisht skalabile, respektivisht nuk ka kufizim për sa i përket madhësisë. Por për ndërtimin e mantelit me dimensionet më të mëdha duhet mjaftë shumë kohë, kështu që për momentin një gjë e tillë nuk ka gjasa reale për realizim. Prapëseprapë, shkencëtarët theksojnë se zhvillimi i teknologjive të reja të zhvillimit do të mund të sillte deri te mantelet dukshëm më të mëdhenj të padukshmërisë.

Bugatti 16C Galibier

2010-03-22T12:11:00.002+01:00

Edhe pse ende nuk është konfirmuar se do të shkoj në prodhim serik, Bugatti ka vendosur që të na e shfaq edhe ndonjë fotografi të automjetit superluksoz 16C Galibier.

Pasi që janë zëvendësuar ngjyrat nga versioni fillestar i tij, automjeti duket edhe më i bukur.

Tani për tani Bugatti fsheh planet e veta, mirëpo pritet se modeli 16C Galibier do të mund të kalonte në prodhim pas përfundimit të ciklit prodhues të Veyron në vitin 2012 me çmim prej një milion euro.

Kupeja luksoze me dy palë dyer do të duhej të futej në lëvizje nga motori tetë-litërsh Veyron V16 me rreth 800 kuaj fuqi.

Kontaktet në Firefox

2010-03-22T11:18:00.003+01:00

Mozilla lajmëroi për vënien në dispozicion të shtesës eksperimentale për Firefox detyra e të cilës është unifikimi i kontakteve të mbledhura nëpër shërbimet e ndryshme të internet, por edhe burimet e tjera.

Funksionaliteti i ri do të ofroj qasje të thjeshtë në të gjitha detajet e kontakteve, e gjithashtu do të ketë mundësinë e ofrimit të kontakteve edhe në përdorim pranë shërbimeve tjera.

Për fillim, të përkrahur do të jenë kontaktet nga Gmail, Twitter dhe adresari lokal në Mac OS X. Një nga mundësitë e shfrytëzuesit që do të ofroj ky add-on do të jenë përfundimi i e-mail adresave nëse jeni duke i shënuar ato në fushat e caktuara.

Gjithashtu, me kontaktet nga Firefox ueb shërbimet e ndryshme do ti qasen në mënyrë selektive, e shfrytëzuesi do të ketë kontrollin e plotë.

Bluetooth në Video-kamerë

2010-03-22T00:50:00.002+01:00

Edhe pse në shikim të parë Bluetooth në video-kamerë duket paksa e padobishme, JVC ka vendosur pikërisht për këtë teknologji pa tela.

JVC ka paraqitur video-kamerën Everio GZ-HM550BUS. Bëhet fjalë për kamerën e parë të prodhuar me Bluetooth të integruar.

Teknologjia pa tela i ofron kamerës mundësi unike për menaxhim nga largësia. Në fakt, së bashku me aplikacionin përkatës të instaluar, secili telefon i mençur mund të shërbej si teledirigjues në të cilin, pos tjerash, gjenden kontrollet për nisje dhe ndalim të incizimit, respektivisht zmadhimin e zvogëlimin. Po ashtu, Bluetoooth mundëson përdorimin e dëgjueseve A2DP me kamerë, si dhe geo-tagging të fotografive me anë të modulit shtesë Bluetooth GPS.

Duke marrë parasysh se bëhet fjalë për njërin prej modeleve të avancuara në ofertën e prodhuesit japonez, kamera vjen me sensorin backlit CMOS me rezolucion prej 10.6 megapiksela i cili premton rezultate të mira edhe në kushtet e ndriçimit të dobët. Në këtë kamerë janë integruar 32 gigabajt memorie, mirëpo kapaciteti i saj mund të zgjerohet edhe më shumë me anë të kartelave të memories SDHC.

Në tregun amerikan tanimë është në shitje me çmim prej 800 dollarësh.

SanDisk po përgatit “diçka të madhe”

2010-03-22T00:27:00.003+01:00

SanDisk çdo vizitor të faqeve të veta po e lajmëron për “diçka të madhe” që do të ndodhë së shpejti. E kjo pajisje e re do të arrij të martën.

Natyrisht, ende nuk dihet me saktësi se për çfarë bëhet fjalë, por pothuajse e sigurt është se ka të bëjë me ndonjë produkt që përdorë memorien flash.

Produktet përkatëse në linjat e SanDisk janë SSD-të dhe lexuesit multimedial portativ.

Edhe pse mund të jetë që SSD-te me kapacitet të lartë janë kandidat për paraqitje, duhet theksuar edhe se prodhuesi linjën e vet të PMP-ve nuk e ka freskuar qe dy vite (me përjashtim të pajisjes Sansa Clip Plus).

Nokia 3310, telefoni më popullor në histori

2010-03-21T19:37:00.002+01:00

Kompania finlandeze Nokia njoftoi se telefoni celular më popullor në histori është modeli 3310.

Mobitel Nokia 3310 është prezantuar në fund të vitit 2000, ndërsa kompania e ka shitur në më shumë se 120 milionë njësi, të ardhurat nga i cili kanë kontribuar edhe në vet rritjen e kompanisë.

Pajisja ka disa avantazhe kryesore krahasuar me modelet tjera të asaj kohe, dizajn kompakt dhe karakteristike të mira teknike.
Rënia e çmimit, pak pas prezantimit, ka ndikuar në rritjen e shitjes, ndërsa edhe operatorët kanë qenë të lumtur me këtë model, pasi që kanë tërhequr numër të madh të përdoruesve të rinj.

HP – vetëm me ngjyra origjinale

2010-03-21T13:53:00.002+01:00

HP, së paku në SHBA, ka vendosur që ti jap fund ngjyrave jo-origjinale të cilat përdoren në shtypësit e tij. Kompania në shtatorin e vitit të kaluar kishte paditur 11 kompani, e tani ka ardhur deri te një marrëveshje në mes tyre.

Prapëseprapë, në pyetje nuk janë prodhuesit e ngjyrës, por kompanitë që i importonin dhe eksportonin ato.

Nga HP porosisin se janë të kënaqur me rezultatin, dhe se do të vazhdojnë të angazhohen për mbrojtjen e pronës së vet intelektuale. Të gjitha kompanitë janë zotuar se nuk do të importojnë ngjyrën jo-origjinale, e tri kanë pranuar edhe të paguajnë dëmshpërblim (në vlerën e cila nuk është e njohur).

Kohë më parë kompania kishte paditur edhe tri kompani për shkelje të patentave, por zgjidhja ende nuk është duke u parë në horizont. Kompanitë kontestuese, përveç ngjyrave të rreme, shisnin edhe koka të shtypësve të vjedhura nga fabrikat e HP-së në Singapor.

Switchët D-Link DES-1210

2010-03-21T13:51:00.004+01:00

D-Link ka paralajmëruar paraqitjen në treg së shpejti të dy Web Smart switchëve të cilët janë krijuar posaçërisht për nevojat e ndërmarrjeve të vogla dhe të mesme.

Smart switchët e gjeneratës III të D-Link përfshijnë parametra të avancuar të sigurisë, mundësitë autovoice dhe interfejsin shumë user-friendly me opcione të ndryshme për manipulim.

Seria e switchëve D-Link DES-1210 vjen në versionin e switchëve me 24 dhe 48 porte 10/100 (me dy porte 1000Base-T/SFP Combo dhe dy porte 1000BASE-T). Falë dizajnit të avancuar Smart seria DES-1210 nuk ka ventilator, gjë që e bën zgjidhje të përshtatshme për ambientet afariste në të cilat vlerësohet shumë puna e qetë e switchëve. Tutje, modeli DES-1210-28P vjen me funksionin PoE (Power over Ethernet) e cila mund të programohet në secilin port, i cili mund të shkyçet pjesërisht në kohën e caktuar nga administratori, gjë që kursen akoma më shumë energjinë elektrike.

Për shfrytëzim dhe mirëmbajtje të thjeshtë DES-1210 janë të "armatosur" me programin SmartConsole Utility që shërben për "zbulimin" e Smart switchëve të shumëfishtë brenda të njëjtit segment të rrjetit. Për të siguruar nivel të kënaqshëm të sigurisë (pasi që bëhet fjalë për shfrytëzues afaristë) dhe mbrojtjes nga kërcënimet e ndryshmë në Web, seria DES-1210 ka filtrimin Access Control List (ACL) me të cilin lejohet ose ndalohet qasja në bazë të adresave MAC ose IP.

Për organizatat të cilat duan të implementojnë zgjidhje Voice over IP (VoIP) këta switchë përkrahin edhe mundësinë Auto Voice LAN, dhe poashtu ofrojnë edhe opcionin DSCP (Differentiated Services Code Point) në bazë të QoS për klasifikimin e të dhënave me zë dhe shënimeve me çka mundësohet edhe dërgimi i tyre në nivele të ndryshme në përputhje me prioritetizimin e paracaktuar të trafikut në rrjet dhe opcionin IGMP Snooping me të cilin optimizohet multicast streamingu i të dhënave mes serverit dhe klientëve. Për të siguruar besueshmëri këta switchë përkrahin edhe LoopBack Detection (LBD) me të cilën mundësohet mbyllja e loop-ëve në porte dhe kështu pengohet eksplodimi eventual i "paketeve me të dhëna" nëpër tërë rrjetin. Poashtu, përfshihet edhe diagnostika e kabllove për eliminim të problemeve me ndërlidhjet dhe thjeshtëzimin e instalimit të rrjetit.

Google kundër Viacom

2010-03-21T13:48:00.003+01:00

Padia e Viacom kundër Google për video-përmbajtjet në YouTube që janë pronësi e Viacom, morri një drejtim të papritur.
Fillimisht Viacom konfirmoi se Google “po bëhet budalla” dhe se ashiqare vendos në YouTube videomaterialet e mbrojtura të serialeve, filmave dhe emisioneve të tjera të Viacom dhe mbyll sytë para shkeljes së qartë të drejtave autoriale.

Në këto kallëzime, në seancën gjyqësore, sipas shkrimit në faqet e Reuters, YouTube u përgjigj se menaxherët e Viacom vazhduan që në mënyrë sekrete të bëjnë ngarkimin e videomaterialeve të Viacom në këtë shërbim edhe pasi kompani ngriti padinë me kërkesë për dëmshpërblim në vlerë prej një miliard dollarë në mars të vitit 2007.

Thënë të vërtetën, Viacom dhe kompanitë në pronësi të tij sikurse që janë MTV apo Comedy Central, por edhe të tjera ende vazhdojnë të bëjnë ngarkimin e inserteve, respektivisht të promo materialeve të emisioneve në YouTube për shkak se mendojnë se një publicitet i këtillë vetëm mund të ju ndihmoj, e jo të ju bëj dëm. Për shkak të kësaj, nga pozita e Google, qëndrimi i Viacom është dyfytyrësh, dhe në përputhje me këtë mendojnë edhe se Digital Millenium Copyright Act i cili është miratuar nga Kongresi amerikan në të vërtetë i mbron ata nga paditë e këtilla.

DMCA, siç është shkurtesa e këtij ligji, ia mundëson ofruesve të shërbimit të Internetit sikurse që është YouTube, që të mos jenë në mënyrë automatike përgjegjës për secilin material që ndokush pa të drejtë autoriale publikon në faqet e tyre, në qoftë se më pastaj pas kërkesës së pronarit materiali i këtillë largohet.
Për shkak të kësaj Viacom duhet të provoj të dëshmoj se në YouTube vetë pronarët e shërbimit, e më vonë edhe Google i cili e bleu, qëllimisht vendosnin dhe lënin materiale të mbrojtura me ligj.

Qëndrimin interesant për të gjitha këto mund të lexoni në blogun e YouTube.

ANGLE nga Google për WebGL

2010-03-20T00:27:00.003+01:00

Edhe pse para rreth 12 muajve nga ana e Mozilla dhe Khronos Group ishte paralajmëruar WebGL, një API ky i cili do të duhej të ia mundësonte programuesve në ueb që programet e tyre që ekzekutohen brenda shfletuesve të internetit pa probleme të përdorin akselerimin harduerik për grafikën 3D, për momentin ende nuk kemi par kurrfarë lëvizje në atë drejtim.

Një nga arsyet është, natyrisht, ai se WebGL mbështetet mbi OpenGL, i cili është standard i hapur, por i cili nuk ndodhet në driverët e të gjitha kartelave grafike.

Më saktë, OpenGL përdoret nga Mac OS X dhe Linux, si dhe driverët e disa akseleratorëve grafik nën Windows, por jo dhe të gjithë. Në sistemin më të përhapur në botë ende API i zakonshëm për akselerim grafik është Direct3D, e jo OpenGL.

Për shkak të kësaj Google të enjtën paralajmëroi se është duke punuar në ANGLE që është shkurtesë për Almost Native Graphics Layer Engine. Ky API do të duhej të kalonte thirrjet OpenGL në ato Direct3D në kompjuterët me Windows dhe në këtë mënyrë të siguroj kompatibilitetin me WebGL. Në këtë mënyrë nuk do të duhej të ketë më pengesa që aplikacionet e bazuara në ueb dhe të cilat ekzekutohen në shfletues, e që përdorin shfaqjen 3D, të mos përdorin akselerimin grafik të grafikës 3D.
Por, duhet pasur parasysh se gjiganti Microsoft i cili këtë javë paraqiti versionin Platform Review të Internet Explorer 8, e cila përdor akselerimin 2D, nuk përkrah WebGL-in e as kurrfarë akselerimi 3D të grafikës në ueb.

Cisco ndryshon përgjithmonë Internetin

2010-03-19T12:39:00.003+01:00

Edhe pse shumica e analistëve e kishin shënuar paralajmërimin e Ciscos si një teprim i zakonshëm marketingu, nuk duhet harruar që gjenerata e mëparshme e CRS routerëve kishte ndikuar shumë në zhvillimin e përgjithshëm të Internetit.

Të kujtojmë - routerët CRS-1 (CRS-2 nuk u paraqit kurrë në treg) u paraqit në treg para rreth 6 vjetësh duke sjellë bandwidth të jashtëzakonshëm për botëkuptimet e atëhershme prej 92 Tbps (terabitë për sekondë), duke mundësuar kështu një zhvillim eksploziv të komunikimit VoIP.

Ngjashëm vlen edhe për serinë CRS-3 që sjell 322 Tbps edhe më të jashtëzkaonshëm, por në vend të komunukimit me zë këta routerë do të duhej të rrisin dukshëm shfrytëzimin e video komunikimit. Cisco konsideron që është pikërisht video komunikimi një hap logjik i zhvillimit të komunikimit në Internet, që nuk është edhe aq vështirë të besohet kur kihet parasysh popullariteti i servisit YouTube. Natyrisht, theksi do të jetë tek përdorimi afarist, dhe lehtë do të mund të ndodhë që së shpejti video komunikimi virtual të zëvendësojë mbledhjet afariste dhe të gjata si dhe udhëtimet e mërzitshme zyrtare. Poashtu, më në fund pritet një rritje e dukshme e bisedave telefonike me video, si përmes telefonave mobilë, poashtu edhe përmes telefonisë fikse.

Blerësit kryesorë të routerëve CRS-3 natyrisht do të jenë telekomët e mëdhenj. Kështu ta zëmë, AT&T amerikan tashmë është duke testuar routerët CRS-3 edhe pse jo fort moti në vitin 2008 kishte bartur infrastrukturën e vet në routerët CRS-1 të Ciscos. Versioni bazik i routerëve CRS-3 do të kushtojë rreth 90.000 dollarë, por mos mendoni që kjo është lirë. Ky është çmimi vetëm për versionin bazik four-slot single shelf i cili mundëson bandwidth prej "vetëm" 1,12 Tbps, Çmimi për modelin më të fuqishëm i cili ofron 322 Tbps nuk dihet.
CRS-3 sjell dy teknologji të reja. Network Positioning System është një lloj i GPS-së së rrjetit, ndërsa cloud VPN do të duhej të mundësojë ndërlidhjen e switchëve Nexus, rack dhe blade serverëve në sisteme gjigante të rrjeteve. CRS-3 do të duhej të paraqitet në treg në çerekun e tretë të këtij viti, kështu që mund të pritet që viti 2011 të jetë viti i video komunikimin në Internet.

Kërkesa për kontrolluesit USB 3.0

2010-03-19T12:08:00.002+01:00

NEC do të dyfishoj prodhimin e kontrolluesit për USB 3.0, deklaruan nga kompania. Kjo si rezultat i rritjes së kërkesës për pajisjet kompatibile me këtë lloj të standardit.

Kontrolluesi i kompanisë ka nisur distribucionin në shtatorin e vitit të kaluar e vetëm muajin e kaluar janë dërguar mbi tri milion ekzemplarë.

Në NEC janë të kënaqur me rezultatet, e pranimin nga tregu të këtij standardi të ri e kanë përshkruar si të jashtëzakonshëm. Për shkak të shpejtësisë së madhe që ofron USB 3.0, teknologjia është bërë një nga më të popullarizuarat në industri për momentin, porosisin nga NEC.

Nga muaji i ardhshëm kompania brenda muajit do të prodhoj dy milion kontrollues USB 3.0.

XP Mode edhe pa virtualizim harduerik

2010-03-19T12:05:00.003+01:00

Microsoft publikoi se do të mundësoj përdorimin e XP Mode në Windows 7 edhe në kompjuterët që nuk kanë përkrahjen harduerike për virtualizim.

Në të vërtetë, XP Mode në Windows 7 për punë kërkonte procesorin i cili përkrah virtualizimin harduerik e cila duhet të jetë e përfshirë edhe në BIOS.

Por këto kërkesa në masë të madhe habisnin shfrytëzuesit të cilët shumë shpesh nuk ishin në gjendje të konstatojnë nëse kompjuteri i tyre përmbush kriteret për nisjen e sistemit virtual të Windows XP në Windows 7.

Për shkak të kësaj në Microsoft kanë vendosur që të mënjanojnë këto kërkesa, ashtu që prej tani e tutje pas mbindërtimit përkatës të sistemit operativ të gjithë të kenë mundësinë e përdorimit të Windows XP Mode.

Për përdorimin e XP Mode ende është kusht përdorimi i versioneve Professional, Enterprise, apo Ultimate të Windows 7, e më shumë informata dhe mbindërtimet e duhura mund të gjenden në blogun zyrtar.

Google Wave paraqet ekstensione

2010-03-19T11:58:00.001+01:00

Në tentim të ndërprerjes së rënies së popullaritetit i cili është shkaktuar që prej paraqitjes së shërbimit Google Buzz, kompania Google ka lëshuar disa ekstensione për shërbimin e saj Wave.

Kështu, tani e tutje Wave ka panel navigacioni i cili funksionon ngjashëm me karakteristikën Lab në kuadër të Gmail e Docs dhe ofron hapësirë për programues të cilët punojnë me Wave API.

Shumica e ekstensioneve të Wave të cilat aktualisht janë në dispozicion janë bazike me mekanizma për lojëra dhe organizim.

Mbizotëron një mendim i përgjithshëm i ekspertëve se Google duhet të integroj tërësisht shërbimin Wave në Gmail para se ai të bëhet krejtësisht i parëndësishëm për përdoruesit e tij.

Chrome përkthen automatikisht

2010-03-18T22:01:00.001+01:00

Google ka avancuar web browserin e vet Chrome ashtu që ka mundësuar që faqe të tëra të përkthehen automatikisht në gjuhën që i konvenon më shumë shfyrtëzuesit dhe krejt kjo pa pasur nevojë që të shfrytëzohen aplikacione të zhvilluesve tjerë.

Browseri do të detektojë se a është gjuha e përdorur në webfaqe e ndryshme nga gjuha e preferuar e shfrytëzuesit dhe nëse po, atëherë ofron opcionin e përkthimit, natyrisht në gjuhën e përzgjedhur më parë.

Si vegël për përkthim shfrytëzohet Google Translate, gjegjësëisht nuk ka nevojë të përdoren ekstenzione apo plug-inë tjerë shtesë. Natyrisht, ky përkthim nuk është ideal, por mjaft i mirë që shfrytëzuesi të kuptojë se për çfarë bëhet fjalë në tekstin të cilin e lexon në gjuhë të huaj.

Google TV

2010-03-18T21:54:00.003+01:00

Sipas shkrimit në The New Yourk Times, Google, Intel dhe Sony janë duke bashkëpunuar në zhvillimin e pajisjes e cila do të kyçej në televizor dhe e cila do të jetë e bazuar në Android, dhe e cila quhet Google TV.

Edhe pse ekzistojnë pajisjet e bazuara në Android të cilat kyçen në televizor, Google TV do të mund të jetë një projekt dukshëm me i gjerë.

Pajisja do të duhej të mundësojë kyçje në Internet përmes shfletuesit Google Chrome, dhe do të duhej të mundësojë përdorimin e thjeshtë të shërbimeve të internetit sikurse që është Twitter, dhe të ketë ndërfaqen e hapur e cila do të ia mundësonte edhe zhvilluesve të pavarur zhvillimin e aplikacioneve për pajisjen.

Kompanive me gjasë do të duhej të ju bashkëngjitej edhe Logitech i cili do të duhej të zhvilloj pajisje periferike, sikurse që është tastiera përkatëse.

Gjithashtu theksohet se kompanitë janë duke bashkëpunuar edhe në zhvillimin e televizorëve të cilët do të kenë të përfshirë këtë teknologji, por për momentin nuk ka kurrfarë komente zyrtare në lidhje me këto shkrime.

Mungesa e çipave mobil

2010-03-18T21:46:00.003+01:00

Rimëkëmbja e ekonomisë botërore dhe rritja e kërkesës shkaktuan mungesën e çipave të caktuar, në mesin e të cilave janë edhe procesorët mobil.

Intel ka vështirësi me dërgesat e procesorëve mobil nga linja Core i3, i5 dhe i7 për shkak të rritjes së kërkesës, veçanërisht të prodhuesve tajvanez.

Sasinë më të madhe të këtyre çipave e porositi Acer, i cili në mënyrë të përshpejtuar po përgatitet për shitje gjithnjë e më të madhe, e pritet edhe kërkesë e madhe nga Apple i cili procesorët e rinj synon të përdor në modelet e ripërtërirë të portativit MacBook Pro. Intel prioritet në dërgesa ia jap klientëve me porositë më të mëdha , kështu prodhuesit e vegjël do të duhet të presin për përdorimin e këtyre çipave në kompjuterët e tyre.

I gjithanshmi S300w

2010-03-18T21:38:00.001+01:00

Projektori kompakt nga Dell S300w, përveç rolit të zakonshëm për konferenca dhe prezantime, do të mund të tërheq vëmendjen edhe të përdoruesve shtëpiak.

Projektori fotografinë në bez mund ta projektoj nga distanca të vogla, e diagonalja është në mes 60 dhe 90 inç.

Përveç hyrjeve të zakonshme VGA, S-video, atyre kompozite dhe HDMI-së, ka të integruar edhe rrejtën pa tela për realizim më të lehtë të prezantimeve, e aty është edhe konektori USB për projektim të drejtpërdrejtë nga USB memoria. Rezolucion nativ i projektorit është 1280 x 800 pikë (WXGA), kontrasti është 2400:1, derisa ndriçimi është prej maksimum 2200 ANSI lumen.

Me të gjitha këto, S300w përkrah edhe shfaqjen trend në 3D si dhe të HD videos kualitative 720p duke iu falënderuar çipit DLP nga Texas Instruments me teknologjinë BrilliantColor. Çmimi i projektorit është 999 dollarë.

Fjalëkalimet e rreme për Facebook

2010-03-18T21:16:00.005+01:00

Ekspertët e sigurisë po tërheqin vëmendjen për shpërhapjen e papritur të softuerit malinj përmes mesazheve të postës elektronike të cilat duken sikurse të jenë dërguar nga ana e Facebook.

Në mesazh shfrytëzuesi lajmërohet se për arsye të sigurisë i është ndryshuar fjalëkalimi në Facebook, ndërsa për të zbuluar shifrën e re duhet hapur fajllin e bashkangjitur.

Natyrisht, në fajll ndodhet softueri malinj i cili në momentin e ekzekutimit instalohet në kompjuterin e shfrytëzuesit dhe pastaj duke qenë i fshehur provon të incizoj të gjitha fjalëkalimet të cilat fut shfrytëzues gjatë kyçje pranë shërbimeve të ndryshme.

Edhe pse shfrytëzuesit më me përvojë menjëherë do të kuptojnë se bëhet fjalë për një mashtrim duke pasur parasysh faktin se Facebook nuk dërgon mesazhe të këtill.

HD kamerat për ueb

2010-03-18T10:55:00.001+01:00

Nga Microsoft arrijnë tri ueb kamera të reja (dy për kompjuterët e tavolinës dhe një për portativët) të cilat premtojnë fotografi kualitative dhe rezolucion të lartë.

Të gjitha kamerat kanë të përbashkët senzorin i cili mund të incizoj videon në 720p, autofokusin dhe teknologjinë TrueColor.

Kjo e fundit lavdërohet nga Microsoft si më e rëndësishmja për kualitetin e mirë të fotografisë në kushtet e ndriçimit të dobët, derisa algoritmi i përcjelljes së fytyrës siguron ndriçimin përkatës të saj.

Për kompjuterët e tavolinës janë të dedikuar LifeCam HD-5000 dhe HD-5001, të dyja me rezolucion të videos prej 720p dhe të gjitha teknologjitë përcjellëse, ndërsa ndryshohen nga dizajni. Për portativët është e adoptuar kamera LifeCam HD-6000, e cila përveç karakteristikave të njëjta ka edhe pjesën me të cilën ngjitet për portativ si dhe ka këndin e rrotullimit prej 360 shkallë. Çmimet janë 50 dollarë për modelet e tavolinës dhe 60 dollarë për HD-6000.

Dyfishohet numri i aplikacioneve për Android

2010-03-18T10:41:00.003+01:00

Në mes të muajit dhjetor Google publikoi se janë në dispozicion rreth 16,000 aplikacione për Android. Deri sot kjo shifër pothuajse është dyfishuar, dhe tani është 30,000, thonë në Google.

Rritja e numrit të aplikacioneve për Android është rezultat i shitjes gjithnjë e më të mirë të smartphoneve me këtë SO, e në përputhje me atë edhe interesimi i programuesve për këtë platformë. Eric Schmidt i Google së voni deklaroi se partnerët e tyre brenda ditës janë duke shitur rreth 60,000 celularë, derisa ky numër më parë ishte dyfish më i vogël.

As rritja e fundit e numrit të aplikacioneve për platformën Android nuk e solli as afër iPhone OS-it. Depoja e aplikacioneve të Apple momentalisht numëron mbi 150,000 tituj. Por, analistët besojnë se kjo informatë do të sjell rritjen e konkurrimit në mes Google dhe Apple.

Internet Explorer 9

2010-03-18T10:09:00.001+01:00

Përgjigja e madhe e Microsoft për shfletuesit e Internetit nga Mozilla, Google dhe Opera arriti më në fund, edhe pse thënë të vërtetën në versionin preliminar – Internet Explorer 9 Platform Preview.

Mund të shkarkohet nga faqet zyrtare, e ai sjell një numër të madh të risive. Ndoshta risia më interesante ka të bëjë me JavaScript engine të ri të quajtur Chakra, i cili është mjaftë më i shpejtë se ai i IE8.

Por, sipas testeve të para, ai është ende diku në mes për sa i përket shpejtësisë së ekzekutimit të JavaScript në krahasim me engine-t e shfletuesve tjerë.

Chakra për herë të parë mundëson ekzekutimin e JavaScript-it në Internet Explorer si thread i ndarë, respektivisht në bërthamë të ndarë të procesorit, nëse ajo është në dispozicion.
Akselerimi harduerik përdoret për shfaqjen e tekstit, grafikëve dhe grafikës SVG, e nota të mira ka marë edhe testi i kompatibilitetit me ACID 3, ku ka arritur 55 nga 100, gjë që nuk ishte e kapshme për IE8.

Fshesë me korrent dhe spiun!

2010-03-17T12:38:00.006+01:00

Chinavision kësaj here ka një befasi me të vërtetë marramendëse. Është kjo fshesa robotike me korrent G182. Por, për ndryshim nga fshesat tjera robotike me korrent, kjo është e pajisur edhe me rrjetën WiFi dhe ueb-kamerë me mikrofon.

Ideja është që kamera mund të përdoret edhe përmes Internetit, dhe se me fshesën mund përveç punës autonome të manovrohet edhe përmes Internetit.

Dhe jo vetëm këto – softueri i inkuadruar VOIP mundëson komunikimin me banorët e shtëpisë, respektivisht këdo që në ato momente ndodhet në shtëpi.

Pajisja është ideale për spiunim dhe bërtitje përmes voip-së nëse ata nuk janë duke mësuar.

100 për 100

2010-03-17T12:16:00.002+01:00

Komisioni federal amerikan i komunikimeve (FCC – Federal Communications Commision) synon që gjatë kësaj dekade në 100 milion shtëpi amerikan të sjell shpejtësitë e internetit prej 100 MB/s. Më saktë, kjo do të ishte shpejtësia e download-it, ndërsa upload do të duhej të ishte 50 Mb/s të cilat janë të paimagjinueshme për kohën e sotme.

Edhe pse SHBA-të janë “mëmëdheu” i Internetit i cili ishte zhvilluar nga ARPANET i cili ishte i ndërtuar për nevojat e Ministrisë amerikane të mbrojtjes, për sa i përket dispozicionit të lidhjeve brez-gjerë në këtë vend të madh dhe të pasur, gjërat nuk qëndrojnë edhe më së miri.

Numri i lidhjeve të shpejta kryesisht është i kufizuar në qytetet e mëdha dhe rrethinën e tyre, derisa pjesa e mesme e vendit, më pak e zhvilluar, në veçanti vendet më të vogla, ende janë të dënuara për lidhjet e ngadalshme, me modem.

Presidenti aktual amerikan gjatë kampanjës së vet paralajmëronte se do të sjell WiFi rrjetë të leverdishme për amerikanët, e FCC tani zbulon edhe planet se si do të mund të realizohet kjo.

Në nivelin e bashkësive lidhjet backbone do të ishin në rangun e atyre gigabite, e shtëpitë e caktuara do të duhej të ishin të mbuluara me lidhjet 100-megabitëshe. Sipas planit zyrtar, për realizimin e projektit do të duhen rreth 10 vite, e ai praktikisht do të ishte “pa pagesë” për shkak se do të ishte i financuar me shitjen e spektrit 500-megahercësh. Sa për krahasim, koncesioni për spektrin 700-megahercësh ia sollën rreth 20 miliard dollarë arkës qeveritare amerikane.
Kundërshtarët më të mëdhenj të këtij plani janë ofruesit e shërbimeve Comcast, Time Warner dhe Embarq të cilëve iu konvenon gjendja e tanishme dhe të cilët me lobim arritën që shumë shoqëri lokale të ndalojnë WiFi rrjetat e qyteteve pa pagesë.

AirStash – wireless lexuesi i kartelave

2010-03-16T20:39:00.003+01:00

Një mori i lexuesve të kartelave të memories mund të gjendet në treg sot, por AirStash i kompanisë Wearable Inc. është i vetmi i cili kyçet me anë të WiFi-së dhe i cili furnizohet nga bateria e vet me të cilën mund të punoj deri në pesë orë.

Pajisja është në gjendje të jap streaming video dhe audio me lidhjen pa tela, e prodhuesi i vet fillimisht ka për qëllim të përfitoj shfrytëzuesit e iPhone dhe iPad, edhe pse nuk ka arsye përse kjo pajisje nuk do të përdorej me cilëndo pajisje tjetër që ka rrjetën WiFi.

Pranon edhe kartelat SD dhe SDHC me kapacitet deri në 32 GB, e dimensionet i ka 92*48*12 milimetra ndërsa masa e tij është krejtësisht 43 gram. Bateria mbushet përmes cilitdo port USB, në cilën kohë pajisja mund të përdoret edhe si lexues i thjeshtë i memorieve.

Bing në iPhone, HTC në gjykatë

2010-03-16T18:57:00.002+01:00

Deri para ca muajsh drejtori i Google Eric Schmidt ishte i ulur në bordin drejtues të Apple, e Jobs dhe ai sipas pohimeve admironin njëri tjetrin dhe kompanitë pas të cilave qëndrojnë.

Por gjërat nuk janë më kaq ideale më kështu që gjatë kësaj jave drejtori i departamentit të shërbimet e internetit pranë Microsoft Qi Liu shkoi qetësisht në një mbledhje në Cupertino.

Sipas shkrimit në faqet e Daily Tech, arsye është marrëveshja sipas të cilës Bing do të bëhet kërkuesi default në iPad, e ndoshta edhe në iPhone. Gjoja kjo do të ishte një goditje mjaftë e madhe për Google i cili për një pjesë të madhe të qarkullimit duhet të falënderoj pikërisht shfrytëzuesit e iPhone të cilët përdorin Google si kërkuesin kryesorë të Internetit.

Ky është vazhdimi i betejës e cila nisi me paraqitjen e Nexus One, të cilin për Google e prodhon HTC-ja, e i cili është i bazuar në Android. Edhe pse shitja e kësaj pajisje, siç kemi shkruar, është në masë të madhe më e vogël se e iPhone-it, në Apple me gjasë u çmendën kur Google arnoi SO-në dhe aktivizoi përkrahjen për mutlitouch edhe në Nexus. Për shkak të kësaj nga Cupertin me shpejtësi erdhi një padi kundër HTC-së për shkak të shkeljes së “pronës intelektuale të Apple”.
Që këto dy kompani tani më “nuk e pëlqejnë njëra tjetrën” ishte bërë mjaftë e qartë së voni kur Jobs bënte shaka për moton e Google Don’t be evil duke pohuar se kompania në të vërtetë, është krejtësisht e kundërt me parimet që proklamon.
Duke se përpara kemi një dekadë në të cilën Mbretërinë e së Keqës nga Redmond, për të cilën ka kohë që në Cupertin nuk gjenin zëvendë sim adekuat, përfundimisht do të zëvendësohet me Të Keqën nga Moutain View – Googleplex!

Google - Kinë Vazhdojnë bisedimet

2010-03-16T17:32:00.004+01:00

Pas shkrimeve se tërheqja nga Kina është e pashmangshme, Google publikoi se është duke vazhduar bisedimet me qeverinë kineze rreth censurimit të përmbajtjeve në shërbimin e vet kinez të kërkimit Google.cn.

Përfaqësuesit e Google theksuan se bisedimet me qeverinë kineze nuk kanë përfunduar, por se kompania është e betonuar në qëndrimet e veta për mospranimin e autocensurës.

Është theksuar se kompania ende është duke pasur bisedime aktive me qeverinë kineze, dhe se për momentin nuk dëshirojnë ti komentojnë ato.

Por agjencia zyrtare kineze e mediave Xinhua që tani ka publikuar komentin në të cilin supozohet se largimi i Google nga Kina është më se i sigurt. Në koment theksohet se planeti nuk do të ndërpres rrotullimin për shkak se Google do të largohet, dhe se shfrytëzuesit ende do të kenë qasje në Internet edhe pa Google-n.

Dell padit Toshiba dhe Sharp

2010-03-16T11:06:00.001+01:00

Është i njohur rasti i kurdisjes së paligjshme të çmimeve të ekraneve LCD, në të cilin fajtorët ishin gjobitur me dëmshpërblime milionëshe. Mirëpo, edhe Dell vendosi të kërkoj drejtësi në gjykatë.

Në të vërtetë, në këtë kompani besojnë se Toshiba, Sharp, Hitachi dhe Seiko Epson merrnin pjesë gjatë marrëveshjeve për kurdisjen e çmimeve të ekraneve.

Për shkak të kësaj kompania do të kërkoj dëmshpërblim për periudhën në të cilën ata paguanin ekranet LCD me çmimin më të lartë se që do të duhej. Shuma që do të kërkohet nga Dell ende nuk është verifikuar, porosisin nga kompania.

Sharp dhe Hitachi deklaruan se janë të njoftuar me padinë që është duke përgatitur Dell, por kurrfarë detaje për rastin nuk dëshiruan të japin për publikun. Toshiba dhe Seiko Epson ende janë duke “shqyrtuar” situatën e krijuar, dhe në përputhje me atë do të ndërmarrin hapat e mëtutjeshëm, kanë deklaruar nga kompanitë.

.com Feston Ditëlindjen e 25

2010-03-15T12:37:00.003+01:00

Më 26 prill 1985, një njeri i quajtur Charles Hornig u ankua në një listë postimesh se mail adresa e tij symbolics.com nuk ishte duke punuar. Duke analizuar çdo mail server të internetit ai zbuloi se vetëm një ishte konfiguruar për të trajtuar një adres .com.

Njëzet e pesë vjet më parë kompania tij Symbolics ishte e para për të regjistruar një Domain .com , sot ka gati 90 milion faqe .com.

Specs Hartimi në maj 1984 bëri thirrje për një adres "cor" më von edhe për një adres me "pub", por ato në korriku shëndrruan në .com dhe .org.

VeriSignështë aktualisht drejtimin e një fushate marketingu për të festuar ditëlindjen e 25 të .com.

25yearsof.com

Matja e shpejtësisë së Internetit

2010-03-15T00:37:00.003+01:00

Komisioni federal amerikan i komunikimeve (Federal Communications Commision – FCC) nisi një shërbim i cili kryesisht për shfrytëzuesit në SHBA do të duhej të iu mundësoj kontrollimin e shpejtësisë së vërtetë të Internetit të cilën iu jap ofruesi i shërbimit të internetit.

Vegla e cila ndodhet në adresën Broadband mundëson kontrollimin e shpejtësisë së bartjes së shënimeve nga rrjeta në drejtim të shfrytëzuesit dhe nga shfrytëzuesi në drejtim të rrjetës.

Gjithashtu ia mundëson shfrytëzuesve verifikimin e vonesave, respektivisht kohës e cila nevojitet që shënimet e dërguara nga kompjuteri i shfrytëzuesit të shkojnë deri te ofruesi i shërbimit dhe prapa, pastaj matjen e jitter-it, respektivisht ndryshimeve në vonesat në mes kompjuterit dhe serverit të ofruesit të shërbimit. Theksohet se është mundësuar kontrollimi i shpejtësisë edhe përmes telefonave mobil për të gjetur shpejtësitë e rrjetave mobile pa tela.

Për ndryshim nga shumë shërbime të tjera të ngjashme FCC në shërbimin e vet kërkon nga shfrytëzuesi që në mënyrë anonime të jap të dhënat për adresën e vet të banimit për ti përdorur ato në përpilimin e raportit “Broadband Dead Zone”, respektivisht zonave të vdekura brez-gjerë, në të cilin raport do të publikohen informatat detaje për shpejtësitë e lidhjeve brez-gjerë në regjionet e ndryshme të vendit. Raporti do të duhej të jetë në dispozicion në Internet, e në agjenci pohojnë se do të kenë parasysh privacinë e të dhënave.

iPad me diamant

2010-03-15T00:30:00.002+01:00

Në mesin e pajisjeve të ndryshme të cilat paraqiten, të themi ashtu, në realizime më luksoze, mund të themi lirshëm se ato të Apple janë gjithmonë në numrin më të madh. Kishim realizime nga ari të iPod-ëve, iPhone-ve dhe MacBook-ëve, të ngjyer edhe në sasi të vogla apo të mëdha të diamanteve.

Në përputhje me këto, ishte vetëm çështje kohe se kur do të paraqitej edhe kjo – iPod i zbukuruar me diamante.

Prodhuesi është kompania amerikane Mervis Diamond Importers, e cila në faqet e veta thekson se gjatë ndërtimit janë shpenzuar 11.43 karat diamante, e secili nga këta është vendosur me dorë në kornizën e pajisjeve. Ata që merren vesh në diamantet do të interesoj shënimi se vlerësimi i ngjyrës së ekzemplarëve të përdorur është G/H, e pastërtia VS1/SI1.

Të gjithë ata që janë të gatshëm të shpenzojnë rreth 40 herë më shumë para për pajisjen e cila nga origjinali dallohet “vetëm” me diamante, do të duhet të presin pak për shkak se porositë fillojnë vetëm nga 1 qershori.

Google largohet nga Kina

2010-03-14T14:42:00.002+01:00

Sipas një shkrimi në The Financial Times, bisedimet në mes Google dhe qeverisë kineze kanë arritur deri në pikë të vdekur, dhe tani kompania është 99.9% e sigurt se do të fik shërbimin e vet kinez të kërkimeve.

Me gjasë Google ka përgatitur planet detaje për fikjen e shërbimeve të veta të kërkimeve në Kinë, por edhe pse vet vendimi përfundimtar do të merret shumë shpejtë, Google planet e veta do të realizoj pa shumë nguti.

Në të vërtetë, Google me gjasë nuk dëshiron që në përgjithësi të ndërpres veprimtarinë e vet në Kinë, për shkak se nuk dëshiron që me vendime të përshpejtuara të rrezikojë punëtorët e atjeshëm lokal të cilët do të mund të jenë të ekspozuar ndaj hakmarrjes së qeverisë kineze.

Përfaqësuesit kinez të premten prapë ia tërhoqën vëmendjen Googleit se duhet të respektoj ligjet kineze nëse dëshiron të bëjë biznes në atë vend. Në të vërtetë, duke u përgjigjur në pyetjen se çfarë do të ndodh nëse Google.cn ndalon të filtroj të dhënat e kërkimeve, ministri kinez i industrisë dhe teknologjive informative, Li Yizhong, tha se nëse nuk respektoni ligjet kineze atëherë ajo do të thotë se keni ndjenja armike dhe se jeni papërgjegjësi, kështu që vetë do të mbani pasojat e atyre vendimeve.

Merimanga

2010-03-14T14:31:00.003+01:00

Edhe pse duket se është një nga ato projektet bëje-vet me një nuancë steampunk, PC-T1R Spider është në të vërtetë shtëpizë tërësisht komerciale nga kompania e njohur Lian Li.

Dizajni unik i hapur në formën e merimangës nga shfrytëzuesi kërkon pak më shumë kohë dhe pedanteri në ngjitjen e pjesëve, por rezultati përfundimtar është një kompjuter mjaftë i veçantë i cili do të lë mbresa mbi çdo kën.

Për shkak të dimensioneve shtëpiza pranon vetëm pllakat e vogla mini-ITX të cilat shpesh hasen në kombinim me Atomët apo procesorët e VIA-s, por aty ka vend edhe për furnizimin, lexuesin optik për portativët dhe një për disqet. Ekzemplari i testuar në faqet e TechPowerUp ende nuk është version përfundimtar, por Lian Li pohon se pjesa më e madhe e specifikimeve dhe dukjes janë të përpunuar dhe identik me këtë version inxhinierie.

Beta e parë për Mozilla Thunderbird 3.1

2010-03-14T14:25:00.004+01:00

Mozilla publikoi beta versionin e parë të Thunderbird 3.1, që ka emrin e koduar Lanikai.

Në versionin e ri të klientit të Mozilla për menaxhimin e postës elektronike risia më e madhe ka të bëjë me përdorimin e sistemit për gjenerimin e faqeve Gecko 1.9.2, i cili përdor Firefox 3.6.

Risitë tjera përfshijnë përkrahjen për mbindërtim nga Thunderbird 2 në kompjuterët e bazuar në Mac OS X 10.6, përmirësimet e vogla të ndërfaqes, përmirësimet e funksioneve të sigurisë, dhe korrigjimet e problemeve të ndryshme të zbuluara në versionet e deritashme.

Versioni përfundimtar i Thunderbird 3.1 pritat paraqitet në qershor.

Senzori AVS për ushtrinë

2010-03-14T14:18:00.004+01:00

Kompania holandeze Microflown Technologies zhvilloi një senzor miniaturë që i dedikohet sistemeve ushtarake. Senzori mund të detektoj llojin e armatimit nga i cili është qëlluar plumbi, dhe të përcaktoj drejtimin nga i cili ka ardhur plumbi.

Pajisja përbëhet nga dy fije të platinit me trashësi prej 200 nanometra dhe të nxehur në 200 shkallë Celsius, e në veprim sillet si një lloj i veçantë i mikrofonit.

Teknologjia bart emrin AVS (acoustic vector sensing) dhe mat lakimin e molekulave të ajrit rreth fijeve të nxehura, respektivisht mënyrën në të cilën grimcat ftohin platinin. Në bazë të dhënave të më sipërme, softueri i Microflown analizon sinjalin dhe cakton llojin e armatimit dhe drejtimin e zjarrit.

I tërë sistemi ka dimensionet shumë të vogla dhe përparësi të shumta ndaj zgjidhjeve të ngjashme që tani janë të pranishme në treg – sistemi i radarëve është i lehtë për tu zbuluar, derisa senzorët tjerë janë kryesisht mjaftë të mëdhenj.

Kjo zgjidhje mund të përdoret edhe në meteorologji dhe fushat tjera, por përdorimi primar është ai ushtarak, e kompania që tani ka filluar të marrë porositë nga disa vende të ndryshme.

Vazhdon rritjen Bing

2010-03-14T13:56:00.004+01:00

Bing i Microsoft përpunoi 11.5% të të gjitha kërkimeve të bëra në SHBA gjatë muajit shkurt, që është një rritje e lehtë në krahasim me 11.3% të janarit.

Sipas të dhënave të kompanisë ComScore, Google është ende bindshëm shërbimi më i popullarizuar me posedim prej 65.5% të gjitha kërkimeve në Internet të bëra gjatë muajit të kaluar, që është rritje për 0.1% në krahasim me janarin.

Nga ana tjetër Yahoo, i cili së voni morri pëlqimin e trupave rregullator për bashkimin e shërbimit të vet të kërkimit dhe biznesit përcjellës të reklamimeve me Microsoft, humbi 0.2% dhe në shkurt posedoi 16.8% të tregut të kërkimeve.

Pas treshes udhëheqëse në vendin e katërt ndodhet Ask Network që posedoi rreth 3.7% dhe AOL në të cilin janë bërë 2.5% të të gjithë pyetësorëve të kërkimit të bërë në muajin shkurt.
Nëse këto përqindje shndërrohen në numra konkret, atëherë del se nga 14.5 miliard kërkime në SHBA 9.5 miliard u përpunuan nga Google, 2.4 miliard nga Yahoo, Microsoft përpunoi 1.7 miliard, derisa pjesën tjetër përpunuan Ask dhe AOL.

comScore

Fillon shitja e LG X300

2010-03-13T19:39:00.002+01:00

LG në disa tregje botërore filloi me shitjen e ultraportativit X300. Kompjuteri është jashtëzakonisht i hollë (17.5 mm) dhe ka shtëpizën me dizajn elegant që është në dispozicion në dy ngjyra, derisa pesha është krejtësisht 970 gram.

Mjaft interesant është edhe kombinimi i harduerit, edhe pse baza është Atomi Z550 me takt prej 2 GHz (Menlow), aty janë edhe 2 Gb memorie dhe SSD disku 128-gigabajtësh.

Ekrani ka diagonalen 11.6 inç, e LG në X300 vendosi edhe ueb kamerën (1.3 megapiksel), zërin SRS TruSurround HD dhe modemin 3G. Me X300 vjen edhe Windows 7 Home Premium, e me baterinë shtesë me 2 qeli LG pohon kohë të autonomisë prej 7 orë. Çmimi (i përllogaritur) është rreth 1,424 dollarë.

E ardhmja i takon internetit mobil?

2010-03-13T19:37:00.003+01:00

Sipas fjalëve të njërit nga shefat në Lenovos, e ardhmja i përket internetit mobil, respektivisht pajisjet përkatëse. Kjo kompani veson se në periudhën prej tri deri në pesë vite madje 80% e të hyrave të tyre të përgjithshme do të mblidhet nga pajiset që i dedikohen qasjes mobile në Internet.

Qysh tani portativëve është duke iu kushtuar më shumë vëmendje se sa kompjuterëve të tavolinës, por në të ardhmen kompania në mënyrë më serioze do të qaset tregut të smartphonëve, por edhe melezëve të portativëve dhe tabletëve sikurse që është IdePad U1, respektivisht smartbooku Skylight.

Për këtë vit kompania ka në plan zgjerimin e veprimtarisë në tregjet në zhvillim, e në radhë të parë mendohet për Azinë, Amerikën Latine dhe Evropën lindore.

Fundi i Dell Adamo XPS

2010-03-13T19:29:00.003+01:00

Pas afër katër muaj nga fillimi i shitjes, Dell nga oferta largoi portativin kontraverz Adamo XPS. Pajisja ishte paralajmëruar në tetorin e viti të kaluar, por shitja filloi vetëm në dhjetorë, e kompjuteri më nuk është në dispozicion në faqet e Dell por në sasi shumë të kufizuara mund të gjendet tek distributorët e caktuar brenda SHBA-ve.

Adamo XPS u bë i njohur për dizajnin mjaftë specifik të shtëpizës i cili mundësonte trashësinë prej krejtësisht 0.4 inç, por edhe çmimin fillestar prej 1,999 dollarë.

Baza harduerike është ULV procesori i Intel me takt pune prej 1.4 GHz (Core 2 Duo SU9400), 4 GB të memories DDR3 dhe SSD disku 128-gigabajtësh.

Delli mungesën e këtij modeli po e arsyeton me faktin se bëhet fjalë për një model që është Limited Edition (edhe pse kjo nuk ishte cekur më herët) i cili ishte paraparë të shërbej si demonstrim i aftësive të inxhinierisë dhe të dizajnit që posedon kompania.

Apple dhe Nokia – vazhdojnë më 2012

2010-03-13T19:20:00.003+01:00

Kontestet juridike në mes Nokias finlandeze dhe Apple vazhdimin e vet do ta kenë vetëm pas dy vitesh. Gjykata kompetente në Daleware, ku kompanitë bënë paditë e veta, vendosi të shtyj dëgjimin në lidhje me paditë rreth shkeljeve të patentave për mesin e vitit 2012.

Në disa muajt e fundit Apple dhe Nokia me paditë e ndërsjella akuzonin njëri tjetrin për shkeljet e patentave – Nokia flet për rreth shtatë të tillë, derisa Apple padit kompaninë finlandeze për shkeljen e nëntë patentave.

Nokia në gjykatë kërkon një miliard euro dëmshpërblim, por duket se ky rast, sikurse dhe proceset e tjera të ngjashme, do të përfundoj me një ujdi në mes palëve.

Komisioni amerikan për tregti (ITC) paralajmëroi hetimin e të dyja kompanive, duke u bazuar në paditë e tyre të ndërsjella. Apple është duke paditur edhe HTC-në (për 20 patenta), ku në prapaskenë ndoshta po ndodh fillimi i luftës kundër gjithnjë e më të përfaqësuarit Google Android.

Google stop Censurimit, Kina paralajmëron për pasojat

2010-03-12T14:13:00.003+01:00

Sipas Wall Street Journal, Google është duke bërë përparim me planet e saj për të ndaluar rezultatet e kërkimit në Kinë.
Eric Schmidt duke cituar të ketë thënë se diçka "do të ndodhë së shpejti," Raporti i fundit është se Google është i angazhuar në negociatat me agjencitë qeveritare të shumëfishta në Kinë.

Gjigandi kërkimi do të mbetet në Republikën e Kines megjithëse mund të jetë në gjendje për të ndryshuar pak.

Nga ana e saj, Kina është duke mbajtu deklaratën e fundit nga ministria duke thënë se kompania do të duhet të bart pasojat e veprimeve të saj.

Ndizet TiVo Premiere

2010-03-12T13:46:00.003+01:00

TiVo Premiere paraqet për përdoruesit paisje të rëndësishme, bazuar në Adobe Flash ka definicion të lartë që ka gjasa të çiftëzohet me programimin CableCARD.

Ky prezantim është shumë e ngjashme me atë që ne kemi parë nga Windows Media Center, dhe më pak si Series3 TiVo.

Në pozicionimin ka aftësinë e saj për të akorduar përmbajtjen kabllore, tregon rekorde dhe rregullimin e shërbimeve të internetit.

Opera Mini 5 për Android

2010-03-12T13:07:00.004+01:00

Opera paraqiti versionin e vet testues të shfletuesit të Internetit Opera Mini 5 për pajisjet mobile të bazuara në Android.

Opera Mini është shfletuesi më i përhapur i Internetit për pajisjet mobile duke pasur parasysh se është i adaptuar edhe për punë në modelet më të dobëta të celularëve me ekrane të vegjël.

Në versionin 5 janë të përfshira të gjitha funksionet sikurse që është Speed Dial për zgjidhje më të shpejtë të faqeve, komprimim të shënimeve në serverët e kompanisë ashtu që faqet të cilat nuk i janë adaptuar ekraneve të pajisjeve të vogla të mund të lexohen më me lehtësi, dhe përkrahjen për hapjen e faqeve në fletëza (tabe).

Kamera 3D nga Boeing

2010-03-12T13:04:00.002+01:00

Boeing amerikan zhvilloi një kamerë mjaft kompakte që është në gjendje të marr fotografi 3D, e që i dedikohet përdorimit ushtarak dhe civil.

E tërë kamera është e menduar brenda kompanisë – në zhvillimin e saj kishin bashkëpunuar departamentet Boeing Directed Energy Systems dhe Spectrolab, derisa senzorët e veçantë ishin ofruar nga Lincoln Laboratory e MIT-së.

Pajisja e zhvilluar ka një të tretën e dimensioneve të shumicës së kamerave 3D komerciale, e në krahasim me këto shpenzon edhe deri në dhjetë herë më pak energji. Kamera është testuar në mënyrë të suksesshme gjatë dy viteve të fundit, kryesisht si pjesë e helikopterit Boeing AH-6 Little Bird, e kompania ofron mundësinë e modifikimit të saj për të përmbushur nevojat e secilit klient.

Në mesin e përdorimeve të mundshme janë hartimi i terreneve, përcjellja e caqeve dhe zbulimi i objekteve të maskuara, e është duke vazhduar edhe implementimi i saj në disa fluturake pa pilot.

Tentohet shkatërrimi i botnetit ZeuS, por pa sukses

2010-03-12T13:02:00.002+01:00

Hulumtuesit e sigurisë u përpoqën që t’ia presin kokën botnetnetit famëkeq ZeuS, duke vendosur offline një ISP kyç... por një ditë më vonë, Zeus duket se po punon pa telashe.

Hulumtuesit e sigurisë menduan se patën një mundësi për të rrëzuar poshtë botnetin ZeuS, një nga më të mëdhenjtë e planetit, duke i prerë lidhjen me ofruesin Kazakistan të shërbimit të internet Troyak AS, e cila ofroi shërbime rrjeti për serverë hostingu të gjashtë ISP-ve, për komandë dhe kontroll mbi Zeus.

Dhe kur hulumtuesit tërhoqën kabllon, reagimi fillestar dukej premtues: deri në 25 për qind e sistemeve botnet Zeus duket se shkuan offline brenda natës. Por 24 orë më vonë, duket se operatorët botnet janë rikthyer përsëri në kontroll, dhe Zeus po vazhdon të veprojë.

Askush nuk e di se sa i madh është botneti ZeuS, por parashikimet e vendosin atë në miliona makina. Qëllimi kryesor i Zeus është zakonisht vjedhja e fjalëkalimeve dhe kredencialeve për kyçje në banka.
Hulumtuesit e Cisco dhanë shenja se s më shumë se 68 serverëve komandues dhe kontrollues të botentit ZeuS u është pezulluar puna, por brenda 24 orëve duket se infrastruktura komanduese e ZueS u rikthye online nëpërmjet ofruesve të ri të rrjetit.

Cisco vuri në dukje se ka pasur një kulm në trafik për serverët e shënjestruar gjatë fundjavës para se të rrëzoheshin pëtokëgjë që mund të ketë dhënë shenja se operatorët e botnet kishin paralajmëruar paraprakisht se do të humbasin lidhjen.

Botnetët janë të përbërë nga makina e infektuar nga malware të cilat mund të kontrollohen nga një burim në distancë nëpërmjet internetit; botetët kryesisht përhapen nëpërmjet malware në web faqe, shërbimet e rrjeteve sociale, dhe email: një herë i infektuar, kontrollorët e botnet mund shfrytëzojnë makinën e infektuar për të dërguar spam dhe malware shtesë.

Ata gjithashtu mund të skanojnë të dhënat në makinat e infektuara dhe regjistrojnë aktivitet e përdoruesit, të skanojnë për fjalëkalime, numra llogarish bankare, dhe informacione të tjera të ndjeshme. Për përdoruesit e Windows, mbrojtje të mirë kundër botnets dhe malware të tjera, është një antivirus i besueshëm me përditësime të kohës dhe me pako softuerike të sigurisë.
Shkatërrimi i AS Troyak kishte për qëllim që të presë lidhjet në mes kompjuterëve të infektuar dhe në mes makinave të bazuara në internet që i kontrollojnë ato.

Tentimi i shkatërrimit dhe rimëkëmbjes së botnetit ZueS thekson natyrën macja dhe miu të hulumtuesve të sigurisë dhe forcave ligjore, në luftën kundër cyber-kriminelëve dhe operatorëve të botnet.
Edhe kur sistemet komandë-dhe-kontroll izolohen nga botetët që i kontrollojnë, kriminelët online shpesh ndërrojnë operacionet e tyre dhe rimarrin kontrollin e makinës brenda një periudhe të shkurtër.

Ethernet 100-gigabitësh

2010-03-12T13:01:00.003+01:00

Sipas deklaratës zyrtare nga AT&T, ruteri i Ciscos CRS-3 ishte krejtësisht i mjaftueshëm për kryerjen e suksesshme të testit të punës së backbone Ethernet prej 100-gigabit në ambient real.

Për test ishte përdorur lidhja optike në mes qendrave të AT&T në Louisiana dhe Florida, e gjatë pak më shumë se 900 kilometra e cila pa kurrfarë problemi ka kryer bartjen 100-gigabitëshe të shënimeve.

Momentalisht AT7T përdor lidhjet 40-gigabitëshe, e pret që lidhjet 100-gigabitëshe të hyjnë në përdorim komercial për lidhjet backbone pas disa vitesh.

Porsche 918 Spyder shkon në prodhim

2010-03-12T12:55:00.003+01:00

Duket se reagimet e shkëlqyeshme të vizitorëve të panairit të automjeteve në Gjenevë kanë shtyrë parinë e Porsche që të vendosë në favor të prodhimit të automjetit konceptual sportiv – modelit 918 Spyder.

Ky informacion vjen nga paria e prodhuesit nga Shtutgarti, respektivisht nga shefi Michael Macht, i cili ka thënë se pas lavdërimeve nga ekspertët dhe publikut “nuk është më askush në Porsche që nuk do të donte ta sheh këtë automjet në prodhim".

Megjithatë, blerësit e interesuar do të duhet të kenë durim, sepse 918 Spyder nuk do të paraqitet edhe aq shpejt në sallone të shitjes. Pritet që prodhuesit Porsche do t’i nevojiten më pak se pesë vjet ta lansojë këtë automjet i cili edhe atëherë, sikur edhe sot, do të jetë i shkëlqyeshëm, e me avancimin e teknologjisë ndoshta edhe më i mirë.

Vetëm sa për rikujtim, ky automjet futet në lëvizje nga një kombinim hibrid me shpenzim prej 3.0 litrash në 100 kilometra të kaluara (varësisht nga mënyra e punës) dhe emetimin e dyoksid karbonit prej vetëm 70 gramësh për kilometër.

Mirëpo, pas kësaj fshihen motori 6.2 V8 me benzinë me 500 kuaj fuqi (368 kW) me marsh të ashtuquajtur “PDK” prej shtatë shpejtësish dhe elektromotorë (me bateri litium-jon që ofrojnë autonomi elektrike prej 25 kilometrash) me fuqi të përgjithshme prej 218 KF (160 kW).

Me të dhënat e përmendura më sipër, 918 Spyder arrin shpejtësinë prej 0 deri në 100 km/h për 3.2 sekonda, derisa shpejtësia maksimale e tij është 320 km/h.

Western Digital My Passport AV

2010-03-11T19:52:00.003+01:00

Western Digital përtëriu ofertën e vet të disqeve portative me modelin My Passport AV. Siç sugjeron edhe emri, disku është i dedikuar për ushqimin e video materialeve.

Pajisja mund të kyçet përmes ndërfaqes USB 2.0 në konsolat për lojëra dhe lexuesit multimedial, dhe në këtë mënyrë përmbajtjet mund të shfaqen edhe në ekranin e madh.

Gjithashtu, prodhuesi thekson se ky disk është kompatibil me funksionalitetin Direct Copy në Hyndycam kamerat e Sonyt, e në këtë mënyrë përmbajtjet mund të transferohen në disk pa ndërmjetë sim të kompjuterit.

My Passport AV është në dispozicion në kapacitetin prej 320 GB, e çmimi i propozuar për shitje në tregun amerikan është 110 dollarë.

Intel Core i7 980X EE

2010-03-11T19:48:00.003+01:00

Siç edhe ishte paralajmëruar, Intel në GDC-në që po mbahet në San Francisco paraqiti gjashtëbërthamëshin Core i7-980X Extreme Edition.

Bëhet fjalë për procesorin e parë të Intel me gjashtë bërthama të bazuar në arkitekturën Westmere që i dedikohet kompjuterëve të tavolinës, më saktë, konfigurimeve për lojëra.

Është i punuar në teknologjinë prej 32-nanometrave që garanton shpenzim më të vogël të energjisë, më pak nxehtësi dhe mundësitë më të mëdha për overclock në krahasim me modelet e punuar në 45 nanometra. Vjen i pajisur me 12 MB L3 cache (2 MB për bërthamë), e takti punues është 3.33 GHz.

Çmimi është i zakonshmi për linjën Extreme Edition të procesorëve të Intel – 1,000 dollarë në SHBA respektivisht 1,000 euro në EU.

OCZ – SSD me çmime të arsyeshme

2010-03-11T19:42:00.003+01:00

OCZ paraqiti linjën e re të SSD-ve me emër Onyx. Këta SSD në radhë të parë karakterizohen me çmimin edhe disa herë më të vogël nga modelet e avancuara – 100 dollarë për kapacitetin prej 32 GB (në tregun amerikan, natyrisht).

SSD vjen me kontrolluesin e Indilinx, memorien MLC, 64 MB cache dhe MTBF të deklaruar në një milion e gjysmë orë.

Në kompjuter kyçet përmes SATA ndërfaqes 3-gigabitëshe, ofron përkrahjen për TRIM, e shpejtësia e bartjes së shënimeve është deklaruar në 125 MB/s në lexim, respektivisht 70 MB/s gjatë shkrimit të shënimeve.

Në shitje në tregun amerikan këta SSD do të paraqiten së shpejti, e pritet edhe paraqitja e modeleve me kapacitetet më të mëdha.

Google Labs lanson veglën Public Data Explorer

2010-03-11T13:55:00.003+01:00

Kompania Google sapo ka lansuar projektin e ri të quajtur, Google Public Data Explorer.

Mjeti i ri i Google Labs ofron një mënyrë vizuale për të shqyrtuar dhe analizuar të dhëna publike të vendosura në një larmi temash, të cilat çdokujt mund ti interesojnë.

Mjeti është projektuar posaçërisht për të dhëna të cilat janë shumë të përdorshme për studentët, gazetarët, krijuesit e politikave publike, dhe mund të shihet si një qasje e kompanisë Google për ti shtyrë përdoruesit dhe makinën e saj kompjuterike të kërkimit në një nivel tjetër (ngjashëm sikur Wolfram Alpha).

Public Data Explorer është e dedikuar që të zgjerojë dhe të përmirësojë funksionalitetin ekzistues dhe përvojën e kërkimit, krahasuar me atë që është bërë vitin e kaluar.

Volkswagen Touareg 2011

2010-03-11T13:52:00.003+01:00

Spekulimet rreth “Volkswagen Touareg 2011” dhe kushëririt të tij të korporatës ‘Porche Cayenne’ kanë qenë se në të dyja këto automjete do të bëheshin disa ndryshime, në mundësitë e tyre dhe në ridizajnim e tyre sepse kishin qenë të përqeshura dhe të kota.

Megjithatë, me afrimin e panairit të automobilave në Gjenevë informatat duket të jenë të kundërta për debutimin publik të këtyre dy automobilave.

Siç pohon “Porche” sa i përket “Cayenne”, ashtu edhe “Volkswagen”, thotë se ‘Touareg’-u i gjeneratës së ardhshme do të jetë deri në 200 kg më i lehtë e disa modele të tjera deri në 230 kg. Edhe pse VW nuk tregon prej nga do ta kursejnë këtë peshë, në ‘Porche’ thonë se për ‘Cayenne’ do të përdorin alumin për dyer, kapak të motorit, parafango dhe për disa pjesë të tjera. Në VW nuk e kanë konfirmuar këtë, por ne presim se e njëjta do të vlejë edhe për ‘Touareg’.

Ne e dimë se pesha nuk do të hiqet nga pjesët e vogla, edhe pse ‘Touareg’ do ta ruajë shkallën e tij pothuajse qesharake në mundësitë e tij në vozitje të lirë jashtë rrugës.

Në VW thonë se “4Motion” pra vozitja me 4 rrota do të jetë standarde, ndërsa nivelet më të larta të automobilave do ta kenë një version më të përparuar të quajtur ‘4Xmotion’, i cili përfshin një arkë për transferim e dy shpejtësive dhe mbylljen qendrore dhe diferencialëve të pjesës së pasme, si dhe dukjen teknologjike që i përngjan ‘Land Rover’-it.
Pjesa e fundit do të bazohet në pullën rrotulluese të pesë pozitave e cila, jo sikur në ‘Land Rover’ ku më me forcë duhet ndërruar radhitjen për terrene të ndryshme, thjesht lejon shoferët të zgjedhin vështirësinë e ekskursioneve të tyre jashtë rrugës.

Pozicioni një është në rrugë; pozicioni dy është jashtë rrugës, me të cilin perfeksionohet ABS-i, forca tërheqëse dhe kontrollimi i stabilitetit, si dhe modifikon pikat e ndërrimit të shpejtësive dhe aktivizon kontrollin për lëshim nga bregu. Prej këtu bëhet më serioze. Pozicioni tre kalon arkën e ndërrimit të shpejtësive në nivel të ulët, pozicioni katër e mbyll diferencialin qendror, dhe pozicioni pesë e mbyll diferencialin e pjesës së pasme gjithashtu.

Megjithatë, brengat faktike nuk janë neglizhuar te ‘2011 Tuareg’. Kursimi i lëndës djegëse është përmirësuar në përgjithësi duke iu falënderuar zvogëlimit të peshës, zvogëlimit të pjesës së parme, pozitës më të ulët, dhe përmirësimet përkatëse për një tërheqje më koeficiente. Ndihmë e madhe gjithashtu është ndërruesi i ri automatik i shpejtësive me 8 shpejtësi.

Fuqia hibride në perspektivë
Në ‘Touareg’-un e ri motorin mund ta zgjidhni duke filluar me motorin 3.6 litra V-6 si ‘Touareg’-u i tanishëm, me 280 kuaj fuqi dhe me rezervar prej 130 litrave. Motori 3 litra dizell V-6 është motori tjetër me 221 kuaj fuqi dhe me rezervar prej 203 litrave, motori dizell i 4.2 litrave, dizell do to ketë 340 kuaj fuqi dhe një rezervar gjigant prej 295 litrave mirëpo nuk do të jetë në shitje në tregun e SHBA. Motori numër 1 për Evropë dhe gjithashtu për SHBA do të jetë modeli hibrid i cili krahasohet me V-6 e ‘Audi’ me një motor elektrik prej 47 kuaj fuqi.

Arrihet fuqia për Porsche Panamera Turbo nga Cargraphic

2010-03-11T13:45:00.003+01:00

Cargraphic ka prodhuar tashmë një rritje në fuqie.Fuqia shtesë arrihet përmes njësisë DME Control dhe dy filtërëve sportiv të ajrit, që lejojnë të qarkullojë oksigjen-turbo uritur për “frymë”, edhe më të mirë.

Porsche Panamera Turbo nga Cargraphic ofron potenciale të mëdha për pushtet.Tuneri ka mbajtur transmisionin PDK, me 7 shpejtësi të Porsche dhe e ka vendosur mjaft mirë në koordinim me sistemin AWD. Caragraphic thekson se vetura do të niset prej 0 – 100 km/h për më pak se 4 sekonda.

Opsionet e personalizoni përfshijnë rrotat të cilat fillojnë me 19-inç IS-ONE typi dhe shkojnë deri në 22-inch.Cmimi i pakos është prej € 1.495 (US $ 2.045) duke përfshirë TVSH-në.

Google do të ketë dobi nga Internet Explorer 9

2010-03-11T13:11:00.003+01:00

Përfaqësuesi zyrtar i kompanisë Microsoft ka deklaruar rishtazi se njëra prej kompanive e cila “do t’ia sheh hairin” versionit 9 të shfletuesit Internet Explorer do të jetë edhe Google.

Pete LePage, njëri prej udhëheqësve të Microsoft, ka theksuar se Google do të ketë përparësi të mëdha nga avancimet që do t’i bëhen versionit të ardhshëm të shfletuesit Internet Explorer.

Ky version i makinës së kërkimit për herë të parë do të përdorë procesorët grafik të kompjuterëve, të cilët zakonisht përdoren nga lojërat kompjuterike, për të radhitur grafikën e faqeve të internetit në ekran.

Përshpejtimi i grafikës harduerike do ta bëj ndërtimin e faqeve më të lehtë dhe do t’ua lehtësojë përdoruesve të shohin fotografitë, ka deklaruar LePage.

Rritet numri i shikimeve në YouTube

2010-03-11T13:08:00.003+01:00

Kompania e cila merret me përcjelljen e ngjarjeve në internet, comScore, në fillim të kësaj jave ka publikuar një raport në të cilin thuhet se numri i shikimeve të video përmbajtjeve nëpërmes shërbimit YouTube në territorin e SHBA-ve është rritur për 50% gjatë muajit janar krahasuar me periudhën e njëjtë të vitit të kaluar.

Mbi 173.3 milionë përdorues amerikanë të internetit kanë shikuar video online gjatë muajit janar që ka rezultuar me gjithsej 32.4 miliardë video përmbajtje të shikuara.

Mesatarisht kohëzgjatja e secilit video material ka qenë diç më e gjatë se katër minuta. Kompania comScore pohon se secili vizitor mesatar i shërbimit YouTube sheh rreth 94 video për muaj.

Interneti, kandidat për Çmimin Nobel

2010-03-11T13:03:00.002+01:00

Çmimin Nobel për Paqe këtë vit duhet ta fitojë interneti. Propozimi ka ardhur nga një revistë italiane dhe është futur në listën e kandidatëve, konfirmoi sot, Komiteti norvegjez për Çmimin Nobel për Paqe për vitin 2010.

Komiteti tha se “do të jetë edhe interneti, si kandidat i parë në historinë e ndarjes së çmimeve që nuk është qenie njerëzore”.

Në fakt, emrat e të nominuarve gjithmonë mbahen të fshehtë por këtë herë, për internetin, Komiteti ka bërë një përjashtim, duke shpallur zgjedhjen si kandidat.

“Rrjetin global të internetit e ka propozuar një revistë italiane, duke vlerësuar se ai është mjet, i cili përmes komunikimit, avancon dialogun, debatin dhe konsensusin, si dhe e promovon demokracinë”, ka pohuar Komiteti norvegjez për Çmimin Nobel për Paqe për vitin 2010.

Nuk është ende e qartë se shuma një milion dollarë amerikanë kujt do t’i takojë, por ndoshta themeluesit të tij, do t’i njihet merita nëse do të fitojë çmimin më të madh në botë për Paqen.

Ruteri i Ciscos për ata me kërkesat më të larta

2010-03-10T14:57:00.005+01:00

Cisco paraqiti ruterin e vet më të fuqishëm që i dedikohet ofruesve më të mëdhenj botërorë të shërbimit të qasjes në Internet.

Pajisja e quajtur CSR-3 ofron kapacitet 12 herë më të lartë dhe shpejtësi tri herë më të lartë nga paraardhësi i tij që quhej CSR-1 i cili ishte paraqitur më 2004. Sipas pohimeve të Ciscos, në konfigurimin optimal ku janë të përfshirë 72 ruterë të këtillë CSR-3 mund të bart të gjitha filmat e incizuar ndonjëherë për katër minuta apo të kyç të gjithë 1.3 miliard banorë të Kinës në një video konferencë.

Çmimi i këtij ruteri është 90,000 dollarë, e sipas fjalëve të CEO-së së Cisco John Chambers do të duhej të jetë bazë e gjeneratës së re të Internetit e cila do të ketë rritje jashtëzakonisht të madhe për shkak të videos.

Më shumë informata mund të gjeni në faqen e Ciscos.

Silicon Power Touch 830

2010-03-10T14:54:00.003+01:00

Silicon Power paraqiti USB memorien me emër Touch 830. Memoria vjen në shtëpizën e mbaruar nga çeliku të cilin nuk e zë korrozioni dhe që ka dimensionet 35 x 12 x 3.5 milimetra, me peshë prej krejtësisht katër gram.

Sipas pohimeve të prodhuesit, është i qëndrueshëm ndaj ujit, fëlliqësive dhe dridhjeve, e gjatë ndërtimit është përdorur teknologjia Chip On Board.
Është në dispozicion në kapacitetet prej 2, 4, 8 dhe 16 GB, e është kompatibilme ndërfaqet USB 2.0 dhe 1.1. Me dërgesat e para në tregun amerikan do të fillohet kah fundi i muajit. Çmimet nuk dihen, e garancia është jetësore.

HP u rikujton konsumatorët se Tablet PC-ja i saj përkrahë edhe Flash

2010-03-10T14:46:00.004+01:00

Duke pasur parasysh tërë përqendrimin tek Apple iPad, HP ka shprehur dëshirën që t’ju tregojë konsumatorëve se Slate i saj do të punoj me të gjitha funksionet e Windows 7 e kjo përfshin edhe përkrahjen për Flash (të cilën nuk e ofron Apple iPad).

Sigurisht, Apple ndoshta është duke mbajtur përqendrimin e shumë njerëzve anembanë botës në produktin e saj Apple iPad, të cilit po i afrohet data e debutimit në treg, por gjiganti tjetër Hewlett Packard dëshiron t’ju bëjë me dije se tableti i saj që do të paraqitet së shpejti në treg dhe që mban emërtimin HP Slate, për dallim prej iPad do të punojë me aplikacione të Windwos dhe do të ofrojë “një eksperiencë të plotë shfletimi” – me fjalën të “plotë” HP dëshiron të thotë se tableti i tyre punon edhe me Flash.

“Me këtë produkt të hollë, ju do të fitoni eksperiencë të plotë shfletimi në pëllëmbë të dorës suaj” tha zëvendës presidenti dhe shefi teknik për Presonal Systems Group Phil McKinney, në një blog post. “Nuk ka internet të kufizuar. Nuk ka sakrifica. Një bonus i madh për këtë produkt është se, duke qenë i bazuar në Windows 7, ai ofron përkrahje të plotë për Adobe”.

Apple ka ndezur një debat të gjerë në industri rreth gjithpërfshierjes së Adobe Flash, pasi që as iPhone e as produkti i radhës iPad nuk përkrah Flash, që shfrytëzohet me të madhe në internet për të transmetuar video dhe për të shtuar elemente interaktive në web faqe. Megjithëse Apple ka deklaruar shumë pak gjëra publikisht në lidhje me Flash, teknologjia në fjalë njihet me një performancë më të dobët në Mac sesa në Windows – për shkaqe teknike që kanë të bëjnë mjaft shumë me politika të korporatave. Shefi ekzekutiv i Apple e ka karakterizuar Flash si një teknologji joefikase që do të kishte ndikim të madh në jetëgjatësinë e baterisë së pajisjeve si iPhone dhe iPad. Apple i ka më shumë në qejf alternativat si HTML 5 dhe H.264 video.

Në anën tjetër HP Slate nuk bënë dallime të këtilla. Pajisja ka si synim që të jetë një eksperiencë e plotë Windows 7, komplet me Flash, dhe tani ka postuar një video të tabletit të HP-së duke u shfrytëzuar në mënyrë të ngjashme sikurse në reklamën e Apple iPad që u shfaq në premierë gjatë çmimeve Oscars. Pajisja shihet në video duke lëshuar një video, duke u përdorur për navigim dhe si e-lexues.

HP nuk ka lajmëruar një emër për pajisjen e saj tablet, apo ndonjë specifikë rreth produktit, çmimit apo datës së paraqitjes.
Por përderisa presim që HP të na befasojë me produktin e saj, Apple po bëhet gati që të lansoj iPad-in me 3 prill.

Microsoft po përshpejton Windows 7 SP1?

2010-03-10T14:41:00.003+01:00

Sipas raporteve më të fundit, Microsoft ka gjasa që të paraqes Service Pack-un e parë për Windows 7 në fund të këtij viti.

Sipas TechARP.com, ekzekutiv të Microsoft me qëllim patën vendosur një periudhë kohore dy vjeçare për zhvillimin e Windows 7 SP1, por siç duket kanë ndryshuar mendjen e tyre për t’iu adresuar, problemeve “serioze” të performancës.

Web faqja raporton se Microsoft do të shikojë mundësitë për të nxjerrë Service Pack-un në çerekun e fundit të vitit 2010, gjë që do të ishte një lëvizje e ngjashme me të gjitha Pakot Servisuese që janë paraqitur gjatë të kaluarës për sistemet e saja operative.

Gjiganti softuerik Microsoft pati lansuar Windows XP SP1 pothuajse dhjetë muaj pas lansimit të Windows XP dhe Vista SP1 është paraqitur 12 muaj pas Vista RTM. Megjithatë, Windows 7 është demonstruar dhe është vështirë që të identifikohen çështjet “serioze” të performancës të cilat do t’i vendos si caqe Service Pack-u.

Microsoft nuk ka dashur të komentojë asgjë rreth këtij raporti apo në përgjithësi rreth Windows 7 Service Pack, duke ofruar deklaratën standarde: “Microsoft nuk ka asgjë të re për të paralajmëruar në këtë kohë. Ne nuk komentojmë thashetheme apo spekulime”.

Së shpejti Facebook do ta di ku gjendeni saktësisht

2010-03-10T14:35:00.003+01:00

Edhe tabori i rrjetit për shoqërim online Facebook ka marrë vendim për implementimin e shërbimit për lokacione gjeografike në kuadër të shërbimit të vet. Me fjalë tjera, Facebook do t’u mundësojë që së bashku me ndryshimet e statusit “të reklamoni” edhe lokacionin tuaj të momentit. Kjo shtojë shfrytëzuesve do t’u aktivizohet gjatë muajve që vijnë.

Qysh prej muajit të ardhshëm diç më shumë se 400 milionë përdorues të rrjetit Facebook do të mund të shfrytëzojnë këtë shërbim të ri. Shtojca e lokacionit gjeografik do t’u mundësojë përdoruesve të cilët duan të publikojnë automatikisht vendin e tyre momental.

Facebook ka qenë duke e zhvilluar shtojcën e tij më të re për një vit rresht, e deri më tani nuk kanë dalë publikisht pa qenë të sigurt se është i kryer dhe i gatshëm për përdorim.

Lëshime tjera në Internet Explorer

2010-03-10T14:34:00.001+01:00

Microsoft ka tërhequr vërejtjen për ekzistimin e lëshimit të ri në versionet 6 e 7 të shfletuesit të vet Internet Explorer i cili ka filluar të përdoret për sulme në sistemet e përdoruesve.

Lëshimi mundëson marrjen përsipër të kontrollit mbi kompjuterin nëse përdoruesi viziton faqet e internetit me kodin dashakeq. Mirëpo rreziku nga keqpërdorimi mund të ulet dukshëm nëse përdoruesi shfrytëzon konfiguracionin standard në Microsoft Outlook, Outlook Express e Windows Mail ku porositë HTML hapen brenda zonës së ndaluar (Restricted Zone).

Po ashtu theksohet se mekanizmat mbrojtës në Windows Vista apo sistemet më të reja operative në masë të madhe kufizojnë mundësinë e keqpërdorimit të lëshimit dhe se në rast të shfrytëzimit të suksesshëm sulmuesi mund të ketë vetëm qasje të kufizuar në sistem.

Tani për tani nuk është lëshuar arnimi përkatës, mirëpo si një mundësi për të zgjidhur këtë problem nga Microsoft këshillojnë instalimin e Internet Explorer 8.

Google Voice: Një numër për t'i menaxhuar të gjithë

2010-03-09T19:48:00.003+01:00

Google Voice, tani në një version më të madh beta, e ka mbajtur premtimin për një menaxhim të thjeshtë dhe elegant të linjës telefonike. Dhe deri tani, Google Voice është pa pagesë.

Google Voice vendos një numër telefoni për të menaxhuar të gjithë numrat tuaj dhe ju lejon gjithashtu të menaxhoni shërbimet tuaja zanore online. Numri është i lidhur me ju jo me një vendndodhje gjeografike, një aparat specifik apo me një adresë IP.

Shërbimi ju lejon të devijoni telefonatat në telefona të ndryshëm, të regjistroni urime dhe të përditësoni informacionin e kontakteve brendapërbrenda apo me mjete të tjera të Google. Google Voice ka pak defekte, por një shërbim që menaxhon linjat telefonike të shumëfishta në jetën tonë duhet të ketë një tërheqje universale.

AMD sjellë ekosistem të avancuar fizike për zhvilluesit e lojërave

2010-03-09T19:45:00.003+01:00

AMD ka bërë të ditur mëngjesin e ditës së hënë se do t’u ofrojë zhvilluesve të lojërave qasje të lirë në Digital Molecular Matter (DMM), një simulator fizik i krijuar nga partneri Pixelux i AMD-së. Lëvizja është pjesë e një iniciative të re në komunitetin e zhvillimit të lojërave që quhet “Open Physics”.

Lajmërimi i AMD-së arrin si një tentim bashkëpunues me Pixelus si dhe me partnerin Bullet Physics. Të tre janë duke punuar së bashku për të ofruar simulacionet më reale fizike në treg. Platforma e Pixelux fokusohet në fizikën e materialeve ndërsa Bullet në anën tjetër është duke punuar në optimizmin e fizikave rigide të trupave. E tërë kjomiddleware është e përshtatshme me OpenCL dhe sistemet DirectCompute.

Tani, zhvilluesit e lojërave mund të marrin në shfrytëzim të plotë këtë teknologji bashkëpunuese pa pasur nevojë që të paguajnë për licencë.

“Formimi i një ambienti zhvillues të hapur dhe me fizikë të përballueshme, është një arritje e rëndësishme edhe për zhvilluesit e lojërave dhe për lojtarët, duke sinjalizuar kështu një largim nga qasjet ekskluzionare apo pronësore” tha Eric Demers, CTO i Divizionit të Grafikës pranë AMD.

Motori Digital Molecular Matter është optimizuar për të gjitha platformat kryesore të luajtjes, duke përfshirë Xbox 360, Wii, PS3 si dhe PC dhe Mac. AMD dëshiron që të vendos këtë si standard për fizik në lojëra.

Në një komunikatë për media lëshuar nga AMD,CEO i zhvillimit të motorit të lojërave Trinigy, Danie Conradie tha “Iniciativa e AMD-së për Fizikë të hapur (Open Physics) me Pixelux DMM dhe Bullet Physics, së bashku me marrëdhëniet tona afatgjata me të tre kompanitë, na ka ndihmuar ne që të sjellim filozofinë amë duke iu ofruar zhvilluesve të lojërave qasje në këto teknologji jashtëzakonisht të fuqishme për të prodhuar efekte të avancuara në lojëra”.

Google blen DocVerse për të sjellë Microsoft Office në Google Apps

2010-03-09T19:40:00.003+01:00

Googleka blerë DocVerse në një ofertë për të sjellë bashkëpunim online me dokumentet e Microsoft Office, në Google Apps.

Një prej problemeve me të cilat është përballur gjiganti i internetit Google, me aplikacionet e bazuara në cloud, në aplikacione produktiviteti nga Google Apps brenda shfletuesit, është thjeshtë se nuk ka Microsoft Office.

Me apo pa dëshirën tuaj aplikacionet e Microsoft Office kanë shfrytëzueshmëri masive mjaft të gjatë në korporata, institucione edukative e çështje edukimi, si dhe në qeveri, dhe de fakto janë ende standard për përpunim të fjalëve, tabelave dhe për dokumente prezantimi.

Tani Google është duke synuar që të ndërtojë një urë për të mbyllur këtë zbrazëtirë, dhe këtë është edhe duke e bërë pasi që ka blerë DocVerse, një vendosje që mundëson plug-in bashkëpunues online me Microsoft Office. Ideja është që të ndihmohen përdoruesit në tranzicion nga aplikacionet e desktopit Microsoft Office në shërbime të bazuara në cloud të Google Apps.

Termet financiare të marrëveshjes nuk janë bërë të ditura, megjithatë thuhet se bëhet fjalë për një shumë prej rreth 25 milion dollarë.

“Hapi ynë i parë do të kombinojë DocVerse me Google Apps për të krijuar një urë mes Microsoft Office dhe Google Apps” shkruan formuesit e DocVerse Shan Sinha deh Alex DeNeui në blogun e tyre të kompanisë. “Ne fondamentalisht besojmë se Google është një prej kompanive me pozicionin më të mirë që të shpërndajë vërtetë botën e softuerit të produktivitetit”.

Nëse Google arrin të ketë sukses në sjelljen e dokumenteve Microsoft Office në fushën Google Apps me sa më pak telashe, atëherë kjo kompani do të konkurrojë kundër web aplikacioneve të Office 2010 të Microsoft, të cilat janë nëpër testime qysh prej mesit të vitit 2009. Microsoft planifikon që të shpalos Microsoft Office 2010 për konsumatorët e biznesit me 12 maj.

Audi planifikon të kthejë modelin A2

2010-03-09T19:27:00.003+01:00

Me sjelljen e modelit A1 Audi e ka plotësuar segmentin B të ofertës së vet, mirëpo prodhuesi nga Ingolstadti nuk e ka ndërmend të ndalet.

Drejtori ekzekutiv i Audi Rupert Stadler u ka thënë gazetarëve të revistës automobilistike AutoWeek se “ekziston hapësirë e mjaftueshme në mes të modeleve A1 dhe A3 edhe për një produkt tjetër”. Se a bëhet fjalë për trashëguesin e modelit A2 apo për një automjet me karakteristika krejt tjera, do ta marrim vesh shumë shpejt.

Media të caktuara vlerësojnë se Audi do të shfrytëzojë emrin A2 për të paraqitur versionin serik të konceptit A1 të paraqitur në Gjenevë, modelit hibrid A1 e-tron i cili shfrytëzon elektromotorin e fuqishëm prej 102 kuaj fuqi, derisa media tjera vlerësojnë se ka mundësi që Audi të krijojë edhe një model kompakt MPV.

Modeli bazik A2 është prodhuar në mes viteve 1999 e 2005 dhe është shitur në 176.377 njësi në Evropë.

Samsung Go N315

2010-03-09T19:25:00.003+01:00

Samsung ka paraqitur netbookun e saj të ri. Shenja dalluese e këtij modeli është Go N315, e mini-laptopi vjen me ekran të diagonales prej dhjetë inçësh.

Në të është shfrytëzuar procesori Atom prej 1.66 GHz i platformës Pine Trail të Intel, është integruar disku prej 250 gigabajt dhe sistemi operativ Windows 7 Starter.

Rezolucioni i ekranit është 1.024 x 600 piksela, është integruar një gigabajt i memories punuese, grafika e integruar është GMA 3150, si dhe kamera e uebit prej 1.3 megapikselash. Ky kompjuter i vogël vjen me bateri prej katër qelish pavarësia e së cilës është deklaruar të jetë katër orë e gjysmë pune.

Porositja e këtij netbooku në Amazon.com bëhet me 430 dollarë amerikanë.

Autonomi 15 orë pune nga MSI Wind U160

2010-03-09T19:21:00.002+01:00

Netbooku Wind U160 i kompanisë MSI ka filluar të shitet në Shtetet e Bashkuara të Amerikës. Bëhet fjalë për një model i cili, pos dizajnit të hollë, mund të lavdërohet me baterinë e tij e cila qëndron shumë gjatë.

MSI Wind U160 në kategorinë e netbookëve futet për shkak të madhësisë (ekran 10 inçësh me rezolucion 1.024 x 600 piksela) dhe çmimit (379.99 dollarë). Karakteristikat tjera të tij janë solide: sistemi operativ Windows 7, procesori Atom N450 CPU nga Intel me takt pune 1.66 GHz, 1 GB DDR2 memorie, disk i fortë me kapacitet 250 GB, lexues kartelash, tri porte USB 2.0 dhe lidhje WiFi e Bluetooth.

Mirëpo ajo që më së shumti do të tërheq blerësit është dizajni me touchpad i cili mezi vërehet, tastiera e ngjashme me atë të laptopëve MacBook nga kompania Apple, trashësia prej gjithsej 0.78 inç dhe bateria e përmendur, e cila sipas pohimeve të kompanisë MSI mund të ofrojë 15 orë autonomi punë.

Interneti e drejtë fondamentale e njeriut

2010-03-08T18:22:00.003+01:00

Rreth 87 % e përdoruesve mendojnë se përdorimi i internetit është e drejtë fondamentale e çdo njeriu, tregoi studimi i kryer nga BBC, në të cilin morën pjesë 27 000 persona nga 26 vende në gjithë botën.

Rreth 70 % e njerëzve që nuk përdorin internetin thonë se duhet të kenë qasje në internet, ndërsa 79 % e tyre konsiderojnë se përdorimi i internetit është e drejtë fondamentale e çdo njeriu, pavarësisht nëse ka mundësi të ketë qasje në internet apo jo.

Në disa vende, siç është rasti i Estonisë dhe Finlandës qasja në internet konsiderohet e drejtë njerëzore e të gjitha qytetarëve të këtyre vendeve. Ndërsa organizatat ndërkombëtare si Kombet e Bashkuara janë duke u përpjekur që këtë ligj ta shtyjnë edhe në vendet tjera.

Studimi për BBC është kryer nga agjencia “GlobeScan”.
BE-ja ka miratuar më parë rregulloren për lirinë dhe të drejtën e përdorimit të internetit, sipas së cilës çdo shtet anëtar i Unionit duhet të respektojë të drejtat fondamentale dhe liritë e qytetarëve gjatë përdorimit të internetit.

Google Street View kërcënohet në Evropë

2010-03-08T18:15:00.004+01:00

Të përballuar me kërkesat e unionit Evropian në lidhje me shkurtimin e kohës së ruajtjes së fotografive në Street Veiw nga 12 në 6 muaj,përfaqësuesit e Google deklaruan se kompania ndoshta heq dorë nga vazhdimi i fotografimit të rrugëve të Evropës.

Në të vërtetë, në Google theksojnë se shkurtimi i kohës së mbajtjes së fotografive atyre iu shkakton probleme të shumta, duke filluar nga rritja e shpenzimeve, e deri te kufizimet softuerike në lidhje me mundësinë e përpunimit dhe përgatitjes së të gjitha të dhënave për një kohë kaq të shkurtë.

Në Google theksojnë se duhet mbajtur fotografitë së paku një vit për të siguruar kualitetin dhe saktësinë, korrigjuar gabimet e mundshme tek turbullimi automatik i fytyrave dhe targave të veturave, dhe së fundi për të bërë integrimin e të dhënave të mbledhura në hartat përkatëse.

Problemet me Street View në Evropë kanë filluar gjatë vitit të kaluar posa kompania kishte filluar me fotografimin më masiv të “vështrimeve në rrugë”. Në të vërtetë, së pari filluan të ankohen shoqatat e ndryshme për mbrojtjen e intimitetit në Britaninë e Madhe të cilat ngritën padinë pranë qeverisjes lokale duke theksuar se fotografitë e incizuara nga ana e Google shpesh janë të pakëndshme dhe të dëmshme për qytetarët. Paditë e ngjashme arritën edhe nga Greqia dhe vendet e tjera duke theksuar brengosjen për faktin se Google për nevojat e Street View fotografon njerëzit në situata komprometuese.
Për momentin në Google theksojnë se nuk kanë për qëllim të ndërpresin Street View në Evropë, duke theksuar se shërbimi është bërë gjithnjë e më i popullarizuar, dhe se synojnë të vazhdojnë bashkëpunimin me shoqatat për mbrojtjen e intimitetit për të gjetur së bashku zgjidhjen më të mirë.