Android e vetmja konkurrencë për iPad

Pasi që Apple solli në jetë tregun e tabletëve me paraqitjen e iPad-it, analistët vlerësojnë se e vetmja konkurrencë e denjë për të do të jenë pajisjet e bazuara në Android.

Sipas analizave të hulumtuesve të kompanisë ABI Research, edhe pse Windows-ët mund të punojnë në kompjuterët tablet, ata nuk janë zgjidhja më e mirë për pajisjet portative sikurse që janë tabletët.

Rritje rekorde në tregun e kompjuterëve

Sipas hulumtimit të iSuppli, gjatë tremujorit të parë të këtij viti janë shitur rreth 22.7% më shumë kompjuter se në periudhën e njëjtë gjatë vitit të kaluar. Kjo është rritja më e madhe në nivel vjetorë të cilin e ka shënuar kjo kompani nga fillimi i matjeve.

Krejtësisht gjatë tremujorit janë shitur 81.5 milion kompjuterë, e rritjen më të madhe e kanë shënuar prodhuesit aziatik.

Yahoo me rrjet social

Kompania Yahoo për përdoruesit e saj ka bërë që të freskojnë statusin e tyre dhe të komunikojnë përmes emailit.

Në mesin e shërbimeve si Yahoo Mail, Messenger dhe Profiles do të jetë edhe shërbimi Yahoo Updates.

USB memoria si SSD

USB memoria nga Super Talent që quhet SuperCrypt dhe e cila kyçet në USB 3.0 jap shpejtësinë e shkrimit dhe të leximit të shënimeve me shpejtësi të përafërta me ato të disqeve USB, por edhe çmimin më të madh se ai i shumicës së SSD-ve.

Momentalisht nuk ka aq shumë prodhues të pllakave amë dhe të kompjuterëve në përgjithësi të cilët ofrojnë USB 3.0 si pjesë e zakonshme e pajisjeve shtesë.

COSMOS vlerëson sa të dëmshëm janë celularët

Me gjasë keni lexuar shumë studime kundërthënëse mbi atë se sa të dëmshëm janë rrezatimet nga telefonat celularë që përdorim për çdo dit ndërsa asnjëri nuk ardhur deri te përgjigja në pyetjen konkrete – sa janë të dëmshëm celularët.

Për vendimin përfundimtar duhet pasur pak durim për shkak se ka nisur me punë studimi kohortiv epidemiologjik e cila do të ketë detyrë të përcjell së paku 250,000 evropian gjatë 30 viteve dhe i cili do të regjistroj ndikimin e celularëve në shëndetin e tyre.

Trojan si shtojcë e shfletuesit Chrome

Hakerët kanë krijuar një virus trojan i cili duket si shtojcë për shfletuesin e internetit të kompanisë Google.

Porosia spam tenton të mashtrojë përdoruesit për të instaluar gjoja shtojcën e cila u mundëson mënyrë më të mirë për organizimin e dokumenteve të tyre të cilat i kanë pranuar me anë të postës elektronike.

Finalizohet Bluetooth 4.0

Specifikimet kryesorë për Bluetooth 4.0 i cili është mjaftë kursimtar më në fund u finalizuar ditë më parë, publikoi Bluetooth Special Interest Group.

Forma përfundimtare është kombinimi i të gjitha standardeve të mëparshme me fokus të veçantë mbi shpenzimin e energjisë.